21.10.2026 | 23:30
Էրդողանն ու Ալիևը հեռախոսազրույց են ունեցել՝ Բաքվի կողմից Անկարայի նկատմամբ կոշտ քայլերի ֆոնին
Էդուարդ Սպերցյան․ «Օր, որը միշտ կմնա իմ սրտում»․ ՏԵՍԱՆՅՈՒԹ
07.07.2026 | 17:30
Հայաստանի ազգային հավաքականի ավագ Էդուարդ Սպերցյանը ռուսական «Կրասնոդարից» Սաուդյան Արաբիայի ավարտված առաջնության բրոնզե մեդալակիր «Ալ Ահլի» տեղափոխվելուց հետո գրառում է արել սոցցանցերում։
«Ընկերներ, հրաժեշտ չեմ տալիս, ասում եմ՝ ցտեսություն։ Օր, որը միշտ կմնա իմ սրտում․ հրաժեշտ թիմի, ակումբի աշխատակիցների հետ ու այն վայրի հետ, որը երկար տարիներ իմ երկրորդ տունն էր։ Այսօրվանից ես «Ալ Ահլի» ֆուտբոլային ակումբի խաղացող եմ»,- գրել է 26-ամյա կիսապաշտպանը։
Ավելի վաղ հայտնի էր դարձել, որ Էդուարդ Սպերցյանը «Ալ Ահլիի» հետ կնքել է պայմանագիր, որը նախատեսված է 4 տարով և ունի ևս մեկ մրցաշրջանով երկարաձգելու հնարավորություն։ Ոչ պաշտոնական տվյալներով, տրանսֆերի արժեքը կազմել է 25 միլիոն եվրո։ «Ալ Ահլիում» Սպերցյանի տարեկան աշխատավարձը կկազմի 6 միլիոն եվրո` գումարած բոնուսները։
Էդուարդ Սպերցյանը «Կրասնոդարի» սան է, գլխավոր թիմում անցկացրել է 185 հանդիպում, դարձել 58 գոլի ու 44 գոլային փոխանցման հեղինակ։ Transfermarkt-ը 25 միլիոն եվրո է գնահատում նրա տրանսֆերային արժեքը։
«Ալ Ահլին» Ասիայի Չեմպիոնների լիգայի գործող հաղթողն է։ Թիմը Սաուդյան Արաբիայի 9-ակի չեմպիոն է։
