02.08.2026 | 21:08
Շոգ եղանակին՝ առավել զգոնություն. ՍԱՏՄ-ի կոչը հանրային սննդի ոլորտի ներկայացուցիչներին և միջոցառումների կազմակերպիչներին
«Ալ Ահլին» ու «Կրասնոդարը» հաստատեցին Էդուարդ Սպերցյանի տրանսֆերը․ ՏԵՍԱՆՅՈՒԹ
07.07.2026 | 16:18
Ռուսաստանի փոխչեմպիոն «Կրասնոդարն» ու Սաուդյան Արաբիայի առաջնության բրոնզե մեդալակիր «Ալ Ահլին» պաշտոնապես հաստատել են Էդուարդ Սպերցյանի տրանսֆերը։
Հայաստանի ազգային հավաքականի ավագը դարձել էր սաուդյան ակումբի ֆուտբոլիստ։
Ավելի վաղ հաղորդվում էր, որ 26-ամյա կիսապաշտպանն «Ալ Ահլիի» հետ կնքել է պայմանագիր, որը նախատեսված է 4 տարով և ունի ևս մեկ մրցաշրջանով երկարաձգելու հնարավորություն։
Ոչ պաշտոնական տվյալներով, տրանսֆերի արժեքը կազմել է 25 միլիոն եվրո։ «Ալ Ահլիում» Սպերցյանի տարեկան աշխատավարձը կկազմի 6 միլիոն եվրո` գումարած բոնուսները։
Էդուարդ Սպերցյանը «Կրասնոդարի» սան է, գլխավոր թիմում անցկացրել է 185 հանդիպում, դարձել 58 գոլի ու 44 գոլային փոխանցման հեղինակ։ Transfermarkt-ը 25 միլիոն եվրո է գնահատում նրա տրանսֆերային արժեքը։
«Ալ Ահլին» Ասիայի Չեմպիոնների լիգայի գործող հաղթողն է։ Թիմը Սաուդյան Արաբիայի 9-ակի չեմպիոն է։
