27.09.2026 | 22:23
Համաշխարհային օլիմպիադա. Հայաստանի հավաքականները երրորդն են A խմբում. ԼՈՒՍԱՆԿԱՐՆԵՐ
Ադրբեջանում մարտական ինքնաթիռների, այդ թվում՝ Պակիստանից գնված JF-17C-ի ուսումնական թռիչքներ են անցկացվել
Քաղաքականություն
06.07.2026 | 16:03
Ադրբեջանի ռազմաօդային ուժերի ավիացիոն ստորաբաժանումները ուսումնական թռիչքներ են իրականացրել։ Ադրբեջանի ՊՆ-ի հաղորդմամբ՝ թռիչքային անձնակազմի առողջական վիճակի ստուգումից հետո օդաչուներին ծանոթացրել են անվտանգության կանոնակարգերին, ստուգվել են ավիացիոն միջոցները։
Այնուհետև, ըստ պլանի, գործնական թռիչքներ են իրականացվել JF-17C (Block III), L-39, ինչպես նաև Su-25ML և Su-25 գրոհային ինքնաթիռներով։
Վարժանքների ընթացքում օդաչուները կատարել են անհատական և խմբային թռիչքներ՝ կատարելագործելով օդային տարածքում փոխազդեցության իրենց հմտությունները, կատարելով մարտական առաջադրանքներ և մարտավարական մանևրներ, հայտնաբերելով և ոչնչացնելով թիրախներ, ինչպես նաև կայացնելով ճիշտ որոշումներ արտակարգ իրավիճակներում։
Վարժանքները կենտրոնացած են եղել տարբեր օդերևութաբանական և մարտավարական պայմաններում առաջադրանքների ճշգրիտ և անվտանգ կատարման, ինչպես նաև ինքնաթիռների մարտական կարողությունների բարելավման վրա։
Նշենք, որ JF-17C (Block III) կործանիչներն Ադրբեջանը գնել է Պակիստանից։ Դեռևս 2024 թվականին դրանք ներկայացվել էին Ադրբեջանի նախագահ Իլհամ Ալիևին։
Թարգմանությունը՝ Էմմա Չոբանյանի
