28.09.2026 | 02:28
«Արդարացում չունեցող կոպիտ սխալ». Թաթա Սիմոնյանը ներողություն է խնդրել սեպտեմբերի 27-ին իր համերգի ցուցադրության համար
Ի՞նչ քայլեր կանի ԵՄ-ն, եթե ՌԴ-ն թանկացնի ՀՀ մատակարարվող գազը՝ ֆոն դեր Լայենը պարզաբանեց․ ՏԵՍԱՆՅՈՒԹ
Քաղաքականություն
02.07.2026 | 13:00
Եվրոպական հանձնաժողովի նախագահ Ուրսուլա ֆոն դեր Լայենը, անդրադառնալով Ռուսաստանի կողմից էներգետիկ հնարավոր ճնշումներին, հայտարարել է, որ Եվրամիությունը պատրաստ է սատարել Հայաստանին էներգամատակարարման բազմազանեցման հարցում:
Factor TV-ի հարցին, թե ինչ քայլեր կձեռնարկի ԵՄ-ն, եթե Մոսկվան թանկացնի կամ դադարեցնի գազի մատակարարումը, ֆոն դեր Լայենը նշել է հաջորդ շաբաթ ԵՄ փորձագետների խմբի Հայաստան ժամանելու մասին:
«Մենք ուզում ենք Հայաստանին օգնել նաև բազմազանեցնել իր էլեկտրամատակարարումները։ Ահա թե ինչու հաջորդ շաբաթ մի խումբ փորձագետներ ԵՄ-ից Հայաստան կժամանեն։ Մենք հարուստ փորձ ունենք նման իրավիճակի հետ։ Մենք Ուկրաինայում, Մոլդովայում անցել ենք դրանով ու հարուստ փորձ ենք կուտակել»,- ասել է Ֆոն դեր Լայենը։
Եվրոպական հանձնաժողովի նախագահը պարզաբանել է, որ «Կովկասյան փոխանցման ցանցի» 25 միլիոն եվրոն հատկացվելու է տարածաշրջանային էներգետիկ անվտանգության ամրապնդմանը։
Ֆոն դեր Լայենը շեշտել է, որ Հայաստանին անհրաժեշտ է ռազմավարական և համապարփակ մոտեցում, և Եվրոպան պատրաստ է կանգնել Հայաստանի կողքին այն իրավիճակներում, որոնց ԵՄ-ն արդեն բախվել է։
Մանրամասները՝ տեսանյութում։
