Ադրբեջանում հրեական համայնքների ղեկավարները դիմել են Իսրայելի Քնեսեթին՝ կոչ անելով չաջակցել Հայոց ցեղասպանության ճանաչման նախաձեռնությանը

Լուրեր

22.11.2026 | 22:27
Սյունիքում մեքենաներ են արգելափակվել․ փրկարարներն օգնություն են ցուցաբերում
22.11.2026 | 21:17
Հայաստանի էներգահամակարգը հարևան մյուս երկու երկրների համակարգերին ինտեգրելը ՀԷՑ-ի հետ կապելը մանիպուլյացիա է․ Ռոմանոս Պետրոսյան
22.11.2026 | 21:01
Փակ և դժվարանցանելի ճանապարհներ Հայաստանում․ Փրկարար ծառայությունը տեղեկացնում է
22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
Բոլորը

Ադրբեջանում գործող երեք հրեական համայնքների առաջնորդները դիմել են Իսրայելի խորհրդարանի՝ Քնեսեթի անդամներին՝ կոչ անելով չաջակցել Հայոց ցեղասպանության ճանաչման նախաձեռնությանը։ Ադրբեջանական լրատվամիջոցների հաղորդմամբ՝ դիմումում, որը ստորագրել են Բաքվի լեռնային հրեական համայնքի նախագահ Միլիխ Եվդաևը, Բաքվի աշքենազ հրեաների համայնքի նախագահ Ալեքսանդր Շարովսկին և Բաքվի սեֆարդական հրեական համայնքի նախագահ Զամիր Իսաևը, նշվում է, որ նախաձեռնությունը կարող է բացասաբար անդրադառնալ Հարավային Կովկասում ձևավորվող  խաղաղության և կայունության գործընթացի վրա։

Դիմումի հեղինակները նշում են, թե վերջին տասնամյակների ընթացքում Ադրբեջանի և Իսրայելի միջև զարգացած հարաբերությունները հիմնված են ռազմավարական գործընկերության, փոխադարձ վստահության և բարեկամության սկզբունքների վրա: Նրանք կարծում են, որ փոխադարձ հարգանքի վրա հիմնված այս համագործակցությունը ոչ միայն երկու երկրների՝ Ադրբեջանի և Իսրայելի միջև հաջող համագործակցության օրինակ է, այլև հրեական պետության և գերազանցապես մուսուլման բնակչություն ունեցող երկրների միջև հարաբերությունների հաջող մոդել: Համայնքի ղեկավարները ցավով նշում են, որ Իսրայելի կառավարությունը որոշում է կայացրել աջակցել 111 տարի առաջ տեղի ունեցած իրադարձությունները որպես Հայոց ցեղասպանություն ճանաչելուն, և որ առաջիկայում այս հարցը կքննարկվի Քնեսեթում:

Նրանց կարծիքով՝ «մտահոգիչ է, որ նման նախաձեռնություն է առաջ քաշվում այն ​​ժամանակ, երբ երկար տարիների լարվածությունից հետո տարածաշրջանում ի հայտ է եկել իրական խաղաղության, կայունության և բարիդրացիական հարաբերությունների հույս»։ Ըստ նրանց՝ երրորդ երկրների կողմից նման զգայուն պատմական հարցերի վերաբերյալ քաղաքական գործողությունները կարող են խոչընդոտել խաղաղության գործընթացին և խաթարել ժողովուրդների միջև հաշտեցումը, փոխըմբռնումը և վստահությունը:

Նրանք դիմել են Քնեսեթի անդամներին՝ կոչ անելով ցուցաբերել «իմաստություն ու պատասխանատվություն» և չաջակցել,  իրենց բնորոշմամբ «հորինված Հայոց ցեղասպանությունը ճանաչելու նախաձեռնությանը»։

Դիմումում նշվում է, թե նման որոշումն օգուտ չի բերի Իսրայել պետությանը կամ չի կնպաստի խաղաղությանը և փոխըմբռնմանը: Ընդհակառակը, այն կարող է հիասթափություն առաջացնել այն մարդկանց մոտ, ովքեր միշտ Իսրայելին համարել են անվերապահ բարեկամ։

Փաստաթղթի վերջում հեղինակները հույս են հայտնում, որ Քնեսեթի անդամները իրենց որոշման մեջ կառաջնորդվեն պատմական պատասխանատվությամբ, պետականության սկզբունքներով, ինչպես նաև բարեկամ ժողովուրդների և պետությունների հետ հարաբերությունների պահպանմամբ և հետագա ամրապնդմամբ։

Հիշեցնենք, որ ավելի վաղ Ադրբեջանի ԱԳՆ-ն էր հայտարարություն տարածել Իսրայելի կառավարության կողմից Հայոց ցեղասպանության ճանաչման վերաբերյալ՝ կոչ անելով վերանայել որոշումը։

Թարգմանությունը՝ Էմմա Չոբանյանի