14.12.2024 | 19:57
Ինչ իրավիճակ է ճանապարհներին 19։35-ի դրությամբ
ՌԴ-ն, Իրանն ու Թուրքիան դատապարտել են Սիրիայում քիմիական զենքի կիրառումը
Քաղաքականություն
29.11.2018 | 16:25
Ռուսաստանը, Իրանը և Թուրքիան դատապարտել են Սիրիայում քիմիական զենքի կիրառումը և Քիմիական զենքի արգելքի կազմակերպությունից պահանջել պրոֆեսիոնալ հետաքննություն անցկացնել: ՌԻԱ Նովոստիի փոխանցմամբ՝ այս մասին ասված է Աստանայում անցկացված Սիրիայի հարցով 11-րդ միջազգային հանդիպման արդյունքներով ընդունված համատեղ հայտարարությունում:
«Վճռականորեն դատապարտել ենք Սիրիայում քիմիական զենքի կիրառումը, պահանջել, որպեսզի բոլոր հաղորդագրությունների փաստով Քիմիական զենքի արգելքի կազմակերպությունը, որպես քիմիական զենքի կիրառման փաստը հաստատող հիմնական միջազգային իրավասու մարմին, պրոֆեսիոնալ հետաքննություն անցկացնի՝ Քիմիական զենքի մշակման, արտադրության, կուտակման և կիրառման ու դրա ոչնչացման մասին կոնվենցիային համապատասխան»,- ասված է հայտարարությունում:
Նշենք, որ անցյալ հանգստյան օրերին «Ջեբհաթ ան-Նուսրա» ահաբեկչական կազմակերպության անդամները քլորով լիցքավորված ռումբերով գնդակոծել են Հալեպի բնակելի թաղամասերը: Հարձակման արդյունքում սուր քիմիական թունավորում է ստացել 73 խաղաղ բնակիչ, որոնցից 8-ի վիճակը ծանր է:
