26.07.2026 | 14:33
Օգոստոսին կգրանցվեն տարվա ամենամեծ թվով աստղագիտական երևույթները
Հայաստանի և Ադրբեջանի միջև Հարավսլավիայի մոդելով անհետ կորածների տվյալների բազա կստեղծվի․ ICMP-ի գլխավոր տնօրեն
Քաղաքականություն
30.06.2026 | 15:30
Անհետ կորած անձանց միջազգային հանձնաժողովը կարևոր է համարում Ադրբեջանի և Հայաստանի միջև համագործակցությունը անհետ կորած անձանց ճակատագիրը որոշելու գործում։ Ադրբեջանական լրատվամիջոցների հաղորդմամբ՝ այս մասին հայտարարել է Անհետ կորած անձանց հարցերով միջազգային հանձնաժողովի (ICMP) գլխավոր տնօրեն Քեթրին Բոմբերգերը Բաքվում «Անհետ կորած անձանց հարցի լուծման գործում ժամանակակից մոտեցումներ և համագործակցության ամրապնդում» միջազգային համաժողովի ժամանակ։
Նա գոհունակություն է հայտնել Բաքվի ու Երևանի միջև խաղաղության գործընթացում ձեռք բերված առաջընթացի կապակցությամբ և ընդգծել այդ գործընթացի կարևորությունը անհետ կորած անձանց ճակատագիրը պարզելու համար։
Ադրբեջանական կողմի փոխանցմամբ՝ նա նաև հայտարարել է, որ Ադրբեջանի և Հայաստանի միջև ստեղծվելիք տվյալների բազան չափազանց կարևոր է համագործակցության տեսանկյունից։ Բոմբերգերի խոսքով՝ այն ոչ միայն կամրապնդի պետական մարմինների միջև համագործակցությունը և կզարգացնի կապերն Ադրբեջանի կառավարության ու անհետ կորած անձանց ընտանիքների միջև, այլև կնպաստի տեղեկատվության փոխանակմանը Ադրբեջանի և Հայաստանի միջև՝ դառնալով խաղաղության խթանման մեխանիզմ։
«Սա այն մոդելն է, որը մենք օգնեցինք հաստատել, օրինակ, նախկին Հարավսլավիայի համատեքստում։ Այսօր, չնայած հակամարտությունից անցել են շատ տարիներ, այդ տարածաշրջանի կառավարությունները ստեղծել են անհետ կորած անձանց հարցերով աշխատանքային խումբ, որը համատեղ աշխատում է։ Նրանք ստեղծել են համատեղ տվյալների բազա, որը ներառում է բաց մնացած գործերը, և օգտագործում են այս տվյալների բազան՝ տեղեկատվություն փոխանակելու համար։ Մենք հույս ունենք, որ նման արդյունքների կհասնենք այս տվյալների բազայի միջոցով։ Թեև այս թեման առաջին հայացքից կարող է անհետաքրքիր թվալ, տվյալների բազան կենսական կարևոր գործիքներից մեկն է համագործակցությունն ապահովելու և խաղաղություն կառուցելու համար»,- ընդգծել է ICMP-ի գլխավոր տնօրենը։
Թարգմանությունը՝ Էմմա Չոբանյանի
