02.03.2026 | 14:54
Քոչարյանի գործով նախկին դատավոր Աննա Դանիբեկյանին հետապնդելու մեջ մեղադրվող Նարեկ Մաթաֆյանն ու Սարգիս Օհանջանյանն արդարացվել են
Մեքսիկայում միգրանտները պատրաստվում են հացադուլ հայտարարել՝ հանուն ԱՄՆ-ում ապաստանի
Քաղաքականություն
29.11.2018 | 13:24
Մեքսիկայի և ԱՄՆ-ի սահմանին հանգրվանած միգրանտները մտադիր են հացադուլ հայտարարել: Փախստականները պատրաստ են նման քայլի դիմել՝ հանուն ամերիկյան սահմանը հատելու և ԱՄՆ-ում ապաստան ստանալու: Այս մասին գրում է ՌԻԱ Նովոստին՝ վկայակոչելով Universal-ը:
Նման քայլով միգրանտները հույս ունեն մեղմել ամերիկյան իշխանությունների դիրքորոշումը, որոնք հրաժարում են մարդկանց իրենց տարածք թողնել:
Ներկայում սահմանային Տիհուանա քաղաքում ավելի քան 6 հազար միգրանտներ կան Կենտրոնական Ամերիկայից, հիմնականում՝ Հոնդուրասից: Օրեր առաջ մի քանի հարյուր մարդ փորձել էր հատել ԱՄՆ-ի սահմանը, սակայն ամերիկյան զինվորականները սահմանախախտների դեմ արցունքաբեր գազ և ռետինե փամփուշտներ էին կիրառել:
Մեքսիկայի իշխանություններին իրենց հերթին հայտարարել են, որ կոշտ կարձագանքեն միգրանտների ապօրինի գործողություններին և հայրենիք կարտաքսեն այդ ակցիաների մասնակիցներին: Արդեն հայտնի է 98 փախստականի արտաքսման մասին:
