28.09.2026 | 00:15
ՔՊ, 95.1%. Սուրեն Թումանյանը վերընտրվեց Թումանյանի համայնքապետի պաշտոնում. Լոռու մարզպետ
Դնեպրին ռուսական հարվածի հետևանքով 5 մարդ զոհվել է, 21-ը՝ վիրավորվել
Քաղաքականություն
29.06.2026 | 15:56
Ռուսական զորքերը հարված են հասցրել Դնեպրին, որի հետևանքով կան զոհեր, հայտնել է Դնեպրոպետրովսկի մարզային վարչակազմի ղեկավար Ալեքսանդր Գանժան, գրում է BBC-ի ռուսական ծառայությունը։
«Ռուսների առավոտյան հարձակումը Դնեպրի վրա խլել է 4 մարդու կյանք, 10 մարդ վիրավորվել է։ Բոլոր արտակարգ ծառայություններն աշխատում են դեպքի վայրում», – գրել է Գանժան տելեգրամում։
Դրանից առաջ նա հայտնել էր, որ առավոտյան հարվածի հետևանքով 4 մարդ վիրավորվել է, իսկ տուծաներից մեկը՝ 22-ամյա տղամարդը, ծանր վիճակում հոսպիտալացվել է։ Բացի այդ, Գանժան գրել է, որ հարձակման հետևանքով վնասվել է մասնավոր ձեռնարկություն։ Հարձակման ժամանակ օգտագործված զենքը չի նշվել։
Ավելի ուշ Գանժան հայտնել է, որ առավոտյան հարձակման հետևանքով վիրավորվել է 21 մարդ։ Պաշտոնյան պարզաբանել է, որ նրանցից 5-ը վիճակը գնահատվում է ծանր։ Նա նաև հայտնել է, որ զոհերի թիվը հասել է 5-ի․ ծանր վիրավորված տղամարդը հիվանդանոցում մահացել է։
Թարգմանությունը՝ Էմմա Չոբանյանի
