28.06.2026 | 23:31
Ո՞ւր են ընտրությունների արդյունքներից դժգոհ մարդիկ․ Գալյանը՝ Վարդևանյանին. ՏԵՍԱՆՅՈւԹ
Արման Թաթոյանի հրապարակած 2 ձայնագրությունների մասով վարույթ կա, մեղադրյալ չկա․ ՏԵՍԱՆՅՈւԹ
Քաղաքականություն
28.06.2026 | 22:27
Սահմանադրական դատարանում շարունակում է քննվել խորհրդարանական ընտրությունների արդյունքների վիճարկման գործը։ «Ուժեղ Հայաստան» դաշինքի ներկայացուցիչ Արամ Վարդևանյանը հետաքրքրվեց Գլխավոր դատախազի տեղակալից, թե որ փուլում է «Միասնության թևերի» կողմից հրապարակված ձայնագրությունների գործը։
Հիշեցնենք՝ մայիսի 25-ին Արման Թաթոյանը ձայնագրություն էր հրապարակել, որում լսվում էր, թե ինչպես է Մարտունի համայնքի կրթության բաժնից մի կին զանգահարում մանկապարտեզների տնօրեններին ու պարտադրում, որ գնան ՔՊ կենտրոնական գրասենյակի բացմանը։ Մայիսի 28-ին Թաթոյանն տեսաուղերձով հայտնել էր, որ նույն անձը զանգել ու սպառնացել է աշխատակիցներին։
Լիլիթ Գրիգորյանը հայտնեց, որ նշված վարույթով մեղադրյալ դեռևս չկա։
«Երկրորդ ձայնագրությունը, իրավական-քրեադատավարական տեսանկյունից նայենք, դասական իմաստով խոչընդոտելու ռիսկի փաստական տվյալներ է պարունակում, որտեղ կրթական հաստատության ենթադրաբար ղեկավարն ասում է՝ «Այդ ո՞վ է փոխանցել իմ ձայնային հաղորդագրությունը «Միասնության թևերին»»։ Հիմա ես ճիշտ եմ հասկանում, որ մենք 2026 թվականի հունիսի 28-ի դրությամբ դեռ չունենք մեղադրյալ»,-նշեց Արամ Վարդևանյանը։
Ի պատասխան Լիլիթ Գրիգորյանը հայտնեց, որ քրեական վարույթը նախաձեռնվել է ՔՕ 236-րդ հոդվածի հատկանիշներով՝ օրինական հավաքին մասնակցելուն հարկադրելու և նյութապես շահագրգռելու հանցակազմով։
«Քրեական վարույթն ունի լայն քննչական և ապացուցողական գործողություններ կատարելու անհրաժեշտություն, որովհետև դա վերաբերում է մի հանցակազմի, որտեղ անձը կարող է գտնվել հավաքին իր կամքով։ Քննության խնդիրն է հաստատել՝ անձը հարկադրաբա՞ր է եղել այնտեղ, նյութապես շահագրգռվե՞լ է, շանտաժի՞ է ենթարկվել, թե՞ ուղղակի ցանկացել է լսել երաժշտություն կամ համերգ։ Դրա համար մեծածավալ աշխատանք է պետք նաև ապացուցողական առումով՝ լսել հավաքին մասնակցած բոլոր աշակերտներին և վերլուծել»,-նշեց Գրիգորյանը։
Մանրամասները՝ տեսանյութում։
