15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
Քաղաքապետարանի ծեծկռտուքի դեպքով քրեական վարույթ է նախաձեռնվել
Հասարակություն
24.06.2026 | 11:40
Երևանի ավագանու նիստի ընթացքում տեղի ունեցած ծեծկռտուքի դեպքով քրեական վարույթ է նախաձեռնվել։ Այս մասին Factor.am-ի հարցին ի պատասխան հայտնեցին Քննչական կոմիտեից։
Իրավապահ կառույցը վարույթը նախաձեռնել է միջադեպի վերաբերյալ ստացած հաղորդման հիման վրա։ Վարույթը նախաձեռնվել է մի խումբ անձանց կողմից ֆիզիկական ներգործության հատկանիշներով։
Factor TV-ի տեղեկություններով՝ հաղորդումը ներկայացրել է ծեծկռտուքի հետևանքով վնասվածքներ ստացած Սարգիս Տեր-Եսայանը, որը երեկ դիմել էր բուժօգնության։
Հիշեցնենք, որ հունիսի 23-ին Երևանի ավագանու նիստի ընթացքում իրավիճակը լարվել էր, ինչն ավարտվել էր ծեծկռտուքով։ Այդ պահին նիստը վարում էր փոխքաղաքապետ Արմեն Փամբուխչյանը։ Դահլիճ էին հրավիրվել անվտանգության աշխատակիցներ, իսկ նիստն ընդմիջվել էր 30 րոպեով։ Սակայն դահլիճից դուրս՝ միջանցքում, կրքերը չէին հանդարտվել։
Արփի Հակոբյան
