10.10.2026 | 18:45
Քննարկվել են Հայաստան–Կորեա համագործակցությանն առնչվող հարցեր
Դավիթ Խուդաթյանը Թուրքիայի տրանսպորտի նախարարի հետ երկրների միջև երկաթուղային և ճանապարհային կապերի վերականգնման հարցեր է քննարկել
Քաղաքականություն
23.06.2026 | 16:39
Բրյուսելում ՀՀ տարածքային կառավարման ու ենթակառուցվածքների նախարար Դավիթ Խուդաթյանը հանդիպել է Թուրքիայի տրանսպորտի նախարար Աբդուլքադիր Ուրալօղլուի հետ։
«Հայաստանի տարածքային կառավարման և ենթակառուցվածքների նախարար Դավիթ Խուդաթյանի հետ հանդիպման ժամանակ քննարկեցինք մեր երկրների միջև անցյալում ակտիվորեն օգտագործվող երկաթուղային և ճանապարհային կապերի վերականգնման ջանքերը։ Մեր երկրում անհրաժեշտ սպասարկման աշխատանքները նախաձեռնելով՝ մենք նաև գնահատել ենք հայկական կողմի կողմից նախապատրաստական և մրցութային գործընթացներում արձանագրված առաջընթացը»,- գրել է թուրք նախարարը X-ի միկրոբլոգում։
Նա նաև նշել է, որ կողմերը քննարկել են Մետաքսի ճանապարհին գտնվող պատմական Անիի կամրջի վերականգնման գործընթացը, խոսել այն քայլերի մասին, որոնք կվերակենդանացնեն համատեղ պատմության կարևոր հետքերից մեկը։
Հավելենք, որ ԵՄ-ն Բրյուսելում այսօր տվել է Connectivity Agenda Platform-ի մեկնարկը՝ Սևծովյան տարածաշրջանի և Հարավային Կովկասի միջոցով Եվրոպայի և Կենտրոնական Ասիայի միջև կապերն ամրապնդելու համար։ Միջոցառմանը մասնակցել են նաևԵՄ անդամ պետությունների, ինչպես նաև Հայաստանի, Ղազախստանի, Ղրղզստանի, Մոլդովայի, Տաջիկստանի, Թուրքմենստանի, Թուրքիայի, Ուկրաինայի և Ուզբեկստանի տրանսպորտի նախարարներն ու բարձրաստիճան ներկայացուցիչները։
Թարգմանությունը՝ Էմմա Չոբանյանի
