14.07.2026 | 14:05
«Լյուդվիգ Մկրտչյանը Բաքվի բանտում պայքարում է կյանքի համար». փաստաբանն ահազանգում է, ԿԽՄԿ-ն տեսակցելու հնարավորություն չունի
ՄԻՊ-ը դատապարտել է Երևանի քաղաքապետարանում տեղի ունեցած միջադեպը
Հասարակություն
23.06.2026 | 14:15
Մարդու իրավունքների պաշտպան Անահիտ Մանասյանը Երևանի քաղաքապետարանում հունիսի 23-ին տեղի ունեցած միջադեպը մտահոգիչ է համարել մարդու իրավունքների տեսանկյունից և անհամատեղելի՝ ժողովրդավարական կառավարման ու քաղաքակիրթ քաղաքական բանավեճի հետ։ Նա ընդգծել է, որ պաշտոն զբաղեցնող անձինք իրենց վարքագծով չպետք է տարածեն բռնություն, վիրավորանք, ատելության խոսք և անհանդուրժողականություն։
«Քաղաքական ուժերը չեն կարող անընդհատ խոսել իրավունքների կարևորության մասին, բայց իրենց վարքագծով տարածել ֆիզիկական կամ բռնության այլ տեսակների, վիրավորանքի, ատելության խոսքի և անհանդուրժողականության տարատեսակ դրսևորումներ:
Մարդու իրավունքների պաշտպան Անահիտ Մանասյանը հունիսի 23-ին Երևանի քաղաքապետարանում տեղի ունեցած միջադեպը մտահոգիչ է համարում մարդու իրավունքների տեսանկյունից և անհամատեղելի՝ ժողովրդավարական կառավարման ու քաղաքակիրթ քաղաքական բանավեճի հետ:
Պաշտոն զբաղեցնող անձինք իրենց այսպիսի վարքագծով ոչ միայն տարածում են բռնությունն ու անհանդուժողականությունը որպես վարքագծի օրինակելի ձև, այլ նաև խոչընդոտում են մարդու իրավունքների պաշտպանության և խթանման ամբողջ համակարգի զարգացմանը:
Այս ամենը խստորեն դատապարտելի երևույթ է»,- ասված է հաղորդագրությունում։
Հիշեցնենք, որ Երևանի ավագանու նիստի ժամանակ ավագանու անդամների միջև ծեծկռտուք էր սկսվել։
