23.06.2026 | 13:49
Գնում են մանկապարտեզի բացման ու վախենում պատերին կպնեն. քանդվում է. Մեսրոպ Մանուկյան․ ՏԵՍԱՆՅՈՒԹ
Շրջափակել էին ամբողջ շենքը, առգրավեցին կանխիկ գումարն ու զարդերը. Իշխան Սաղաթելյան․ ՏԵՍԱՆՅՈՒԹ
Հասարակություն
23.06.2026 | 12:34
«Հայաստան» խմբակցության պատգամավոր Իշխան Սաղաթելյանի բնակարանում այսօր առավոտյան խուզարկություն է իրականացվել։
Սաղաթելյանի խոսքով՝ իրավապահները գործողությունն իրականացրել են ԴԱՀԿ պահանջները չկատարելու վերաբերյալ հարուցված քրեական վարույթի շրջանակում։ Նա պնդում է, որ ԴԱՀԿ-ի պահանջներն ապօրինի են եղել, իսկ իր նկատմամբ իրականացվող գործընթացը քաղաքական հետապնդում է։
«Սա յոթ տարիների հերթական հետապնդումն է, հերթական ապօրինի գործընթացը»,- լրագրողների հետ զրույցում հայտարարել է Սաղաթելյանը։
Նրա փոխանցմամբ՝ խուզարկության ընթացքում առգրավվել են տան զարդերը և որոշ կանխիկ գումար։ Սաղաթելյանը համոզմունք է հայտնել, որ իրավապահները նման գործողություններ իրականացնելու հիմքեր չեն ունեցել։
Պատգամավորի խոսքով՝ քրեական վարույթը հարուցվել է վերջին օրերին, թեև ԴԱՀԿ-ի հետ կապված գործընթացը շարունակվում էր արդեն շուրջ երեք ամիս։ Նա նշել է, որ պատրաստվում է փաստաբանների հետ խորհրդակցելուց հետո ներկայանալ հարցաքննության։
Սաղաթելյանը նաև հայտնել է, որ այս պահին որևէ դատավարական կարգավիճակ չունի, սակայն չի բացառել, որ առաջիկայում իրեն կարող են ներգրավել որպես մեղադրյալ։
«Մենք ցանկացած սցենարի պատրաստ ենք, և այս մեթոդներով որևէ հաջողության չեն հասնելու»,- հայտարարել է նա։
Մանրամասները` տեսանյութում։
