14.07.2026 | 15:46
Կրեմլն Ուկրաինայի հակամարտության վերաբերյալ Ալիևի դիրքորոշումը «սխալ» է որակել
Ուկրաինան հարձակվել է Վորոնեժի վրա․ հրթիռային հարված է հասցվել պաշտպանական գործարանի․ ՏԵՍԱՆՅՈՒԹ
Քաղաքականություն
22.06.2026 | 15:19
Ուկրաինայի զինված ուժերը հրթիռային հարված են հասցրել Վորոնեժին, հայտնում է ուկրաինական Exilenova+ տելեգրամ ալիքը: Ռուսաստանի ուժայիններին մոտ կանգնած Baza տելեգրամ ալիքը նույնպես հաղորդել է քաղաքի վրա հրթիռային հարվածի մասին, գրում է Meduza-ն։
Վորոնեժի մարզի նահանգապետ Ալեքսանդր Գուսևը հայտնել է տարածաշրջանում հրթիռային տագնապ հայտարարելու մասին։ Exilenova+-ը պնդում է, որ հարձակման թիրախը Վորոնեժի կիսահաղորդչային սարքերի գործարանն էր։ Ուկրաինական հետախուզության տվյալներով՝ գործարանը, ի թիվս այլ բաների, զբաղվում է հրթիռների համար բաղադրիչների արտադրությամբ։
Այս ձեռնարկությունը, մասնավորապես, արտադրում է էլեկտրոնիկա «Իսկանդեր» հրթիռների և «Պանցիր-Ս1» հակաօդային պաշտպանության համակարգերի համար։ ԱՄՆ-ն և ԵՄ-ն գործարանը ներառել են իրենց պատժամիջոցների ցուցակներում։
Նահանգապետի խոսքով՝ ՀՕՊ ուժերը քաղաքի վրա խոցել են «մի քանի արագընթաց օդային թիրախներ»։ Երեք մարդ վիրավորվել է, որոնցից մեկը ծանր վիճակում է։ Գուսևը հայտարարել է, որ «վնասվել են Վորոնեժի ձեռնարկություններից մեկի արտադրական օբյեկտները»։ Նա չի նշել, թե որ ձեռնարկության մասին է խոսքը։
Թարգմանությունը՝ Էմմա Չոբանյանի
