20.06.2026 | 16:30
Վիճաբանություն Սիսավան փողոցում. 4 անձ հիվանդանոց է տեղափոխվել, 1-ը՝ ձերբակալվել
Ֆրանսիայի հրապարակից հեռացվել է Արցախի դրոշը․ ՏԵՍԱՆՅՈՒԹ
Քաղաքականություն
20.06.2026 | 15:22
Երևանի Ֆրանսիայի հրապարակից հեռացվել է Արցախի դրոշը։ Փաստը տեղում արձանագրել է Factor.am-ը։
Տեղեկությունը շրջանառվում էր սոցիալական ցանցերում։
Հիշեցնենք` Արցախի դրոշը տեղադրվել էր 2022 թվականի ապրիլին` իշխանափոխության պահանջով փողոց դուրս եկած «Դիմադրության» շարժման անդամների կողմից։
Թե ով է հանել Արցախի դրոշը՝ առայժմ անհայտ է։
Մեկնաբանության համար Factor.am-ը դիմեց «Դիմադրության» շարժման կազմում գտնվող «Դաշնակցություն» կուսակցության անդամ Քրիստինե Վարդանյանին, սակայն, նա ասաց, որ անհայտ է` ով է հեռացրել դրոշը։
Հիշեցնենք, որ հունիսի 17-ին՝ ԱԺ-Կառավարություն վերջին հարցուպատասխանի ժամանակ, ՀՀ վարչապետ Նիկոլ Փաշինյանը, ցույց տալով ԱԺ դահլիճում ընդդիմադիրների սեղանները, ասել էր, որ ՀՀ Ազգային ժողովում Ղարաբաղի դրոշների առկայությունը պատերազմի սպառնալիք է։
«Մենք Ղարաբաղի շարժումը չպետք է շարունակենք։ Ղարաբաղի դրոշների առկայությունը մեր երկրի խորհրդարանում պատերազմի սպառնալիք է։ Ես արդեն ասել եմ, թե այդ խոսույթները՝ 300 հազար ադրբեջանցիների և այլն, մենք ոնց ենք փակում։ Մենք ասում ենք՝ այն էլ չկա, այն էլ չկա։ Երբ դրոշը մարդիկ դնում են այս սեղանին, իրանք դրանով բացում են, սադրում են այդ խոսակցությունը», – նշել էր Փաշինյանը։
Մանրամասները` տեսանյութում։
Նարեկ Կիրակոսյան
