15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
«Երևանի ավտոբուս» ընկերության կապիտալը կավելանա 2 մլրդ դրամով
18.06.2026 | 18:37
Հունիսի 23-ին Երևանի ավագանին հերթական նիստ կգումարի։ Այս պահի դրությամբ օրակարգում ընդգրկված է 38 հարց, որոնցից միայն մեկն է զեկուցվող։
Օրակարգի հարցերից մեկը վերաբերում է «Երևանի ավտոբուս» փակ բաժնետիրական ընկերության կանոնադրական կապիտալն ավելացնելուն։
Որոշման նախագծով նախատեսվում է 2 մլրդ դրամով ավելացնել տրանսպորտային ընկերության կանոնադրական կապիտալը։ Ըստ որոշման նախագծի՝ քաղաքապետարանը ձեռք կբերի ընկերության լրացուցիչ 200,000 բաժնետոմս՝ յուրաքանչյուրը 10,000 դրամ արժեքով։ Այս ներդրման արդյունքում «Երևանի ավտոբուս» ընկերության ընդհանուր կապիտալը կկազմի շուրջ 18,2 միլիարդ դրամ։
Այս գործընթացը ենթադրում է, որ քաղաքապետարանը ընկերությանը տալիս է 2 մլրդ դրամ, իսկ ընկերությունը դրա դիմաց թողարկում և քաղաքապետարանին է տալիս նոր բաժնետոմսեր։
Արփի Հակոբյան
