15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
Սերգեյ Թորոսյանը գնահատել է Իսլամ Մախաչևի շանսերն Իան Հարիի դեմ մենամարտում
18.06.2026 | 18:18
Խառը մենամարտերի ռուսաստանցի մարզիչ Սերգեյ Թորոսյանը գնահատել է UFC-ի կիսամիջին քաշային կարգում գործող չեմպիոն Իսլամ Մախաչևի շանսերն իռլանդացի Իան Հարիի հետ դիմակայությունում։
«Մախաչևը չափերով փոքր է Հարիից։ Իանը լավ է հարվածում, խուսափում է պարտերից ու պաշտպանվում ըմբշամարտի դեմ։ Հարցն այն է՝ արդյոք Իսլամը կկարողանա գցել նրան։ Եթե դա տեղի ունենա, կկարողանա վնասել մրցակցին ու վերահսկել։ Կանգնած դիրքում կարող են դժվարություններ առաջանալ։ Երկրպագելու եմ Մախաչևին, բայց շանսերը 50-50 են։
Հարին Ջեկ Դելա Մադալենան չէ։ Նա լավ է շարժվում ոտքերով, քիչ է հարվածներ բաց թողնում, վերահսկում է տարածությունը և ունի մի շարք խաբուսիկ հարվածներ։ Դա հետաքրքիր աշխատանք է։ Նա ավելի լուրջ մրցակից է, քան Մադալենան»,- Սերգեյ Թորոսյանի խոսքը մեջբերում է Sport24-ը։
Իսլամ Մախաչևը ու Իան Հարին կհանդիպեն օգոստոսի 16-ին Ֆիլադելֆիայում կայանալիք UFC 330 մրցաշարում։
