22.10.2026 | 15:48
Սևանում սիգի արդյունագործական որսի չափաքանակը կավելանա
Ո՞ւմ ձայներն ենք կեղծել, թող գա՛ն հրապարակ․ մի հոգի էր հացադուլ անում, երեկ դադարեցրեց. Փաշինյան․ ՏԵՍԱՆՅՈՒԹ
Քաղաքականություն
18.06.2026 | 13:45
«Ինձ համար շատ վրդովեցուցիչ փաստ է, որ օրինակ 2021 թվականից հետո ընտրակաշառքով հարուցված գործերով մեղադրյալներից ոչ մեկն այս պահի դրությամբ բանտում չի, անգամ բանտ չեն էլ նստել։ Ես ասում եմ, որ բոլորը պետք է մինչև հաջորդ ընտրությունների արդյունքների ամփոփման օրը անցկացնեն բանտում։ Հակառակ դեպքում, նշանակում է՝ մեր դատաիրավական համակարգը կանաչ լույս է տալիս ընտրակաշառք բաժանողներին»,- լրագրողների հետ ճեպազրույցի ժամանակ ասաց Նիկոլ Փաշինյանը։
Վարչապետի խոսքով՝ վրդովեցնող է այն հանգամանքը, որ անորոշ է, թե ինչու են նախկինում բացահայտված ընտրակաշառքներով գործերը կարճվել, կամ մեղադրյալներն ինչու ազատազրկման չեն դատապարտվել։
«Էլի եմ ասում, որ 70%-ը քվեարկել է ընտրակաշառքով։ Գիտեք ինչ՝ ընտրակաշառքի հանցակազմը չի դնում այդ բացատրությունը՝ գո՞հ ես, թե՞ դժգոհ ես։ Ընտրակաշառքով ես քվեարկել, ուրեմն ընտրակաշառքով ես քվեարկել։ Ուզում ես գոհ եղիր, ուզում ես՝ դժգոհ, երջանիկ կամ դժբախտ, ընտրակաշառքով քվեարկողը ընտրակաշառքով քվեարկող է»։
Լրագրողները նաև հետաքրքրվեցին՝ ինչպե՞ս է արձագանքում ադրբեջանական մամուլում տեղ գտած այն լուրերին, ըստ որի «Վերադարձ Արևմտյան Ադրբեջան» ֆորումներ են տեղի ունենում պետական համալսարանում և այլուր։
«Քանի դեռ Ազգային Ժողովում ընդդիմությունը դրոշները դրած պահում էր, դա բերելու է այդպիսի արձագանքների և դա կապ չունի իրական կյանքի հետ»։
Մանրամասները՝ տեսանյութում։
