22.10.2026 | 16:34
Մանկատան շուրջ 20 շրջանավարտի բնակարանի գնման վկայագիր ստանալու նոր հնարավորություն կտրվի
Ո՞ր դեպքում կադաստրային քարտեզներում կարող է ուղղում կատարվել առանց հարևանի թույլտվության․ ՏԵՍԱՆՅՈՒԹ
Հասարակություն
18.06.2026 | 11:40
Հաճախ քաղաքացին, օրինակ, քաղաքաշինական գործունեություն իրականացնելու համար, պիտի դիմի համայնքին, ստանա քաղաքաշինական փաստաթղթեր, և հողամասի չափագրությունը կատարելիս պարզվում է, որ այն, ինչ կա փաստացի տեղում, չի համապատասխանում կադաստրային քարտեզի տվյալներին: Կադաստրի կոմիտեի ղեկավարի տեղակալ Նանե Ղազարյանը ԱԺ-ում հայտնեց, որ նոր նախագծով փորձել են լուծել գործընթացում առաջացող խնդիրները։
«Այսօր կառավարության որոշման մակարդակում (խոսքը 2021 թվականին ընդունված 698-Ն որոշման մասին է) կարգավորվում է, թե այդ կադաստրային քարտեզի սխալները ինչպես կարող են ուղղվել և ի՞նչ քայլեր պետք է կատարի քաղաքացին: Այսօր դրա համար պետք է նախ պատվիրի չափագրություն որակավորված անձից, հետագայում այդ հատակագիծը ներկայացնի համայնքին, որպեսզի համայնքը հաստատի, որ այո՛, այն, ինչ չափել եք, համապատասխանում է իրականությանը:
Եթե այդ փաստացի չափագրման արդյունքում պարզվում է, որ կադաստրային քարտեզում նաև խնդիրներ են առաջանում, օրինակ՝ հարևան գույքերի հետ (հարևան գույքի հետ համադրվում է քարտեզի մակարդակով կամ հարևան գույքը պետք է մի քիչ տեղաշարժվի կադաստրային քարտեզում և նմանատիպ այլ հարցեր), քաղաքացին ստիպված է լինում ինքնուրույն միջոցներ ձեռնարկել, հայտնաբերել այն բոլոր գրանցված իրավունք ունեցող քաղաքացիներին, որոնք առկա են այդ հողամասերի, այդ գույքային միավորների նկատմամբ, և ստանալ վերջիններիս համաձայնությունը, որպեսզի կարողանա իր իրավունքը հայցել և ստանալ, ըստ էության, բավարարում վարչական վարույթի ընթացքում»,-նշեց նա։
Այն դեպքերում, երբ, օրինակ, այդ համաձայնություն տվող հարևաններից մեկը մահացել է, կոմիտեն ամրագրում է փաստը, քաղաքացին կարող է հարևանի մահից ութ ամիս հետո առանց այդ անձի համաձայնության, ըստ էության, հայցել և ունենալ ուղղումը կադաստրային քարտեզում, ասաց Ղազարյանը։
Մանրամասները՝ տեսանյութում։
