06.11.2026 | 20:51
ՆԳՆ ոստիկանության պետը ներկայացրել է Համայնքային ոստիկանության գլխավոր վարչության նորանշանակ պետին
Դավիթ Ղազինյանը երկու ամսով կալանավորվեց
Հասարակություն
18.06.2026 | 10:22
Ընտրակաշառք տալու նախապատրաստության մեղադրանքով երեկ ձերբակալված «Ուժեղ Հայաստան» դաշինքի ցուցակի չորրորդ համար Դավիթ Ղազինյանը երկու ամսով կալանավորվեց. Հակակոռուպցիոն դատարանը բավարարեց նախաքննական մարմնի միջնորդությունը։
Հիշեցնենք՝ Կենտրոնական ընտրական հանձնաժողովը երեկ բավարարել էր Գլխավոր դատախազության կողմից ներկայացված միջնորդությունները անձեռնմխելիությունից զրկելու և նրա նկատմամբ քրեական հետապնդում հարուցելու համաձայնություն տալու վերաբերյալ։
Հունիսի 6-ին Հակակոռուպցիոն կոմիտեն հաղորդագրություն և ձայնագրություն էր տարածել, որտեղ նշվում էր Ղազինյանի կողմից 1,4 մլն դրամ ենթադրյալ ընտրակաշառք տալու մասին։
«ՀՀ հակակոռուպցիոն կոմիտեի ծառայողների կողմից իրականացված միջոցառումների արդյունքում փաստական տվյալներ են ստացվել այն մասին, որ «Ուժեղ Հայաստան» կուսակցության Երևանի Արաբկիր վարչական շրջանի գրասենյակում որպես պատասխանատու նշանակված անձինք, ինչպես նաև նույն կուսակցության պատգամավորի թեկնածու գրանցված Դավիթ Ղազինյանը, կուսակցության համակիրների և նրանց հետ համագործակցող մի խումբ անձանց հետ նախնական համաձայնությամբ ընտրողներին խոստացել, ինչպես նաև տվել են ընտրակաշառք: Դեպքի առթիվ ՀՀ հակակոռուպցիոն կոմիտեում նախաձեռնվել է քրեական վարույթ, ձերբակալվել են մի շարք անձինք, կատարվել են խուզարկություններ և վարութային այլ գործողություններ»։
Ռոզա Վարդանյան
