16.09.2026 | 11:04
Նիկոլ Փաշինյանը Հեսսենի խաղաղության մրցանակ կստանա
Կրեմլն արձագանքել է Զելենսկիի առաջարկին
Քաղաքականություն
16.06.2026 | 15:47
Ուկրաինայի նախագահ Վլադիմիր Զելենսկիի՝ G7 գագաթնաժողովում հանդիպում անցկացնելու վերաբերյալ Ռուսաստանի նախագահ Վլադիմիր Պուտինին ուղղված հրավերը ռուսական կողմին պաշտոնական խողովակներով չի փոխանցվել։ Այս մասին հայտարարել է Կրեմլի խոսնակ Դմիտրի Պեսկովը, գրում է Ինտերֆաքսը։
«Իհարկե, չի եղել»,- լրագրողներին ասել է Պեսկովը։
Նա նշել է, որ Մոսկվայի և Կիևի միջև «պաշտոնական խողովակներ» չկան։
«Պուտինը, ըստ էության, ասել և մի քանի անգամ կրկնել է, որ եթե Զելենսկին պատրաստ է պատասխանատու և լուրջ խոսել, և Կիևի ռեժիմը լավ տեղյակ է՝ ինչի մասին, ապա նա միշտ կարող է գալ Մոսկվա, որտեղ նրան կընդունեն»,- ընդգծել է Պեսկովը։
Զելենսկին նախօրեին հայտարարել էր, որ Ուկրաինան «ուղերձ է փոխանցել»՝ առաջարկելով Պուտինի հետ հանդիպում այս շաբաթ Ֆրանսիայում կայանալիք G7 գագաթնաժողովի շրջանակում, սակայն, ըստ նրա, ռուսական կողմը չի աջակցել այս նախաձեռնությանը։
Ուկրաինայի նախագահը բազմիցս ընդգծել է, որ պատրաստ է հանդիպել Պուտինի հետ ցանկացած ձևաչափով, բայց ոչ Մոսկվայում։
Թարգմանությունը՝ Էմմա Չոբանյանի
Զելենսկին հայտնել է, որ Պուտինին հրավիրել է բանակցություններ անցկացնել G7-ի գագաթնաժողովի շրջանակում
