15.06.2026 | 22:31
Մեկնարկել են անտառային վնասատուների և հիվանդությունների դեմ կենսաբանական պայքարի միջոցառումները. ՇՄՆ
Զելենսկին հայտնել է, որ Պուտինին հրավիրել է բանակցություններ անցկացնել G7-ի գագաթնաժողովի շրջանակում
Քաղաքականություն
15.06.2026 | 21:14
Ուկրաինայի նախագահ Վլադիմիր Զելենսկին հայտարարել է, որ առաջարկել է Ռուսաստանի նախագահ Վլադիմիր Պուտինին բանակցություններ անցկացնել այս շաբաթ Ֆրանսիայում կայանալիք G7 գագաթնաժողովի շրջանակում, հաղորդում է Reuters-ը։
«Մենք փոխանցել ենք հաղորդագրությունը, որ պատրաստ ենք հանդիպել Պուտինի հետ G7-ի գագաթնաժողովի ժամանակ, քանի որ այնտեղ կլինեն Թրամփը և Մակրոնը, այսինքն՝ եվրոպացիները՝ գումարած Ամերիկան։ Կարծում եմ՝ սա շատ լավ հնարավորություն է բոլորի համար միասին հանդիպելու։ Եվրոպան և Միացյալ Նահանգները համաձայն էին, բայց Ռուսաստանը ևս մեկ անգամ ցույց տվեց, որ պատրաստ չէ բանակցությունների»,- լրագրողներին ասել է Զելենսկին, գրում է BBC-ի ռուսական ծառայությունը։
Ըստ Reuters-ի՝ ուկրաինացի պաշտոնյաներից մեկն ասել է, որ Զելենսկին ամերիկացիներին և Ֆրանսիայի նախագահ Էմանուել Մակրոնին ասել է G7-ի գագաթնաժողովում բանակցություններ անցկացնելու առաջարկի մասին։ Ուկրաինան նաև ուղղակիորեն հրավեր է ուղարկել իր ռուս գործընկերներին, բայց հստակ պատասխան չի ստացել, ասել է պաշտոնյան։
Ավելի վաղ, Պուտինին ուղղված բաց նամակում Զելենսկին առաջարկել էր անձնական բանակցություններ անցկացնել և տեսակետ հայտնել, որ պատերազմը մեծացնում է Ռուսաստանի տնտեսության վրա բեռը։ Ի պատասխան՝ Պուտինը հրապարակավ հայտարարել էր, որ հանդիպման համար որևէ պատճառ չի տեսնում, և որ ուկրաինական անօդաչու թռչող սարքերի հարվածները Ռուսաստանի համար տնտեսական սպառնալիք չեն ներկայացնում։
Մեծ յոթնյակի (G7) գագաթնաժողովը տեղի կունենա հունիսի 15-17-ը Ֆրանսիայի Էվիան-լե-Բեն քաղաքում։
Թարգմանությունը՝ Էմմա Չոբանյանի
