16.06.2026 | 11:44
ԱԲ-ն դրական ազդեցություն է ունենալու ՀՆԱ-ի վրա. Վահե Հովհաննիսյան․ ՏԵՍԱՆՅՈՒԹ
Կաբո Վերդեի հավաքականի դարպասապահի հետևորդների թիվը 50 հազարից հասել է 5,5 միլիոնի
16.06.2026 | 10:37
ԱՄՆ-ում, Կանադայում և Մեքսիկայում ընթացող ֆուտբոլի աշխարհի առաջնության H խմբի առաջին տուրում Եվրոպայի գործող չեմպիոն Իսպանիայի հավաքականը գոլազուրկ ոչ-ոքի էր խաղացել Կաբո Վերդեի հավաքականի հետ։
Ատլանտայում կայացած հանդիպման գլխավոր հերոսը Կաբո Վերդեի հավաքականի 40-ամյա դարպասապահ Վիզինիան էր, որը հանդես է գալիս Պորտուգալիայի երկրորդ դիվիզիոնում։ Նա կատարել էր 7 սեյվ ու ճանաչվել հանդիպման լավագույն խաղացող։
Հանդիպումից հետո Caze TV պորտալը հրապարակել է Վիզինիայի ինստագրամյան էջը և երկրպագուներին կոչ արել հետևել նրան։ Խաղից առաջ դարպասապահն Instagram-ում ուներ 50 հազար հետևորդ, իսկ այժմ նրա հետևորդների թիվը հասել է 5,5 միլիոնի ու շարունակում է աճել։
Կաբո Վերդեի հավաքականն առաջին անգամ է մասնակցում աշխարհի առաջնությանը։ ԱԱ-2026-ի խմբային փուլում Աֆրիկայի ներկայացուցիչը մրցելու է նաև Ուրուգվայի (հունիսի 22) ու Սաուդյան Արաբիայի (հունիսի 27) հավաքականների հետ։
