26.07.2026 | 17:48
Բախվել են երկու ջրային սկուտեր․ ջրափրկարարները քաղաքացիներին դուրս են բերել լճից
Կանադան բռնաբարության մեջ մեղադրվող ֆուտբոլիստին մուտքի վիզա չի տրամադրել ԱԱ-2026-ին մասնակցելու համար
13.06.2026 | 11:25
Գանայի հավաքականի կիսապաշտպան Թոմաս Պարտին Կանադայի մուտքի թույլտվություն չի ստացել ֆուտբոլի աշխարհի առաջնության մասնակցության համար, հաղորդում է Mundo Deportivo-ն։
Իսպանական «Վիլյառեալի» ֆուտբոլիստը չի կարողանա մասնակցել Պանամայի հավաքականի դեմ ԱԱ-2026-ի առաջին տուրի հանդիպմանը, որը կայանալու է հունիսի 17-ին Տորոնտոյում։
Մադրիդի «Աթլետիկոյի» ու Լոնդոնի «Արսենալի» նախկին ֆուտբոլիստին Կանադայի մուտքի վիզա չտրամադրելու որոշումն ընդունել է երկրի կառավարությունը։
Կանադայի կառավարության կայքում նշված է, որ «եթե դուք կատարել եք հանցագործության կամ դատապարտվել եք դրա համար, ապա կարող եք անթույլատրելի համարվել Կանադա մուտք գործելու համար»։ 2025 թվականի հուլիսին Լոնդոնի ոստիկանությունը Պարտիին մեղադրանք էր առաջադրել բռնաբարության մի քանի դրվագներով։ Գանացի ֆուտբոլիստը չի ընդունել իր մեղքը և սպասում է դատավարությանը։
