16.08.2026 | 15:48
Համաշխարհային օվկիանոսի ջերմաստիճանը հասել է 2026 թվականի սկբից առավելագույն արժեքին․ Լևոն Ազիզյան
Ռուսաստանը հարձակվել է Սումիի, Նիկոլաևի և Կիևի մարզերի վրա. զոհ և վիրավորներ կան
Քաղաքականություն
12.06.2026 | 12:56
Ռուսական զորքերը հունիսի լույս 12-ի գիշերը Ուկրաինայի վրա արձակել են 117 անօդաչու թռչող սարք, ուկրաինական ուժերը խոցել են 102-ը։ Այս մասին հայտնում են Ուկրաինայի ռազմաօդային ուժերը, գրում է Current time-ը։
Սումիի մարզի Շոստկա համայնքում ռուսական կողմը թիրախավորել է քաղաքացիական ենթակառուցվածքները, որի հետևանքով զոհվել է 44-ամյա մի կին։ Մեկ այլ կին, ըստ տարածաշրջանային ռազմական վարչակազմի ղեկավար Օլեգ Գրիգորովի, լուրջ վնասվածքներ է ստացել։ Վնասվել է նաև եռահարկ ոչ բնակելի շինություն։
Սումիում վնասվել է բազմահարկ բնակելի շենքի տանիքը, երեք բնակարաններ այրվել են, հայտնել է Ուկրաինայի արտակարգ իրավիճակների պետական ծառայության տարածաշրջանային գրասենյակի ներկայացուցիչ Օլեգ Ստրելկան։
Նիկոլաևում վիրավորվել է 3 մարդ։ Արտակարգ իրավիճակների պետական ծառայության տվյալներով՝ նրանց դուրս են բերել ռուսական հարվածի հետևանքով վնասված տնից։ Դեպքի վայրում խոշոր հրդեհ է բռնկվել, բեկորները և պայթյունի ալիքը վնասել են երկու մեքենա և 14 մասնավոր տուն։ Տրանսպորտային ձեռնարկության վրա հարձակման հետևանքով վիրավորվել է ևս մեկ մարդ։
Ռուսական ուժերը նաև հարված են հասցրել Կիևի մարզի Բորիսպոլ շրջանում գտնվող ենթակառուցվածքային օբյեկտին։ Հրդեհը բռնկվել է 2000 քառակուսի մետր տարածքում, սակայն առավոտյան այն մարվել է։
Թարգմանությունը՝ Էմմա Չոբանյանի
