02.07.2026 | 19:21
Գագիկ Խաչատրյանի որդին և եղբորորդին կկալանավորվեն․ 200 մլն դրամ կիրառված գրավը դարձել է պետական եկամուտ
Գյումրիում «Մայր Հայաստան»-ի վանդալիզմի դեպքով քրեական վարույթ է նախաձեռնվել
Հասարակություն
11.06.2026 | 18:13
Գյումրիի խորհրդանիշ համարվող «Մայր Հայաստան» հուշահամալիրից հերոս-քաղաքների անվանումների ոսկեգույն տառերը պոկելու դեպքով քրեական վարույթ է նախաձեռնվել։ Քննչական կոմիտեից Factor.am–ի հարցին ի պատասխան հայտնում են, որ վարույթը նախաձեռնվել է Քրեական օրենսգրքի 301 հոդվածի 1-ին մասով` պատմության կամ մշակույթի հուշարձաններ ոչնչացնելու կամ վնասելու հատկանիշներով:
Այս պահին որևէ անձ ձերբակալված չէ։ ՆԳՆ-ից երեկ չէին բացառել հնարավոր սադրանքի դրսևորումները։ «ՆԳՆ ոստիկանությունը ձեռնարկում է միջոցառումներ դեպքի հանգամանքները պարզելու և առերևույթ հանցագործությունը կատարած անձանց հայտնաբերելու ուղղությամբ»,- ասել էր ՆԳՆ խոսնակ Նարեկ Սարգսյանը։
Հիշեցնենք, որ երեկ` հունիսի 10-ին, տեղեկություն տարածվեց, որ անհայտ անձինք վանդալիզմի են ենթարկել Գյումրիի խորհրդանիշերից մեկը՝ «Մայր Հայաստան» հուշահամալիրը: Ավելի ուշ Գյումրիի համայնքապետարանից հայտնեցին` չարագործները պոկել են համալիրի տարածքում գտնվող հերոս քաղաքների անվանումների ոսկեգույն տառերը: Կոմունալ ծառայության աշխատակիցները դրանք հայտնաբերել էին աղբամանում։
Արփի Հակոբյան
