Քաղաքականություն
11.06.2026 | 15:26
Հունիսի լույս 11-ի գիշերն Ուկրաինայի զինված ուժերը հարձակվել են բռնակցված Ղրիմը Խերսոնի մարզի հետ կապող կամուրջների վրա։ Այս մասին հայտնել է Խերսոնի մարզի օկուպացված հատվածի՝ Ռուսաստանի կողմից նշանակված նահանգապետ Վլադիմիր Սալդոն, գրում է Meduza-ն։
Նրա խոսքով՝ հարձակման են ենթարկվել Հյուսիսային Ղրիմի ջրանցքի վրայով անցնող կամուրջները Պրեոբրաժենկա և Միրնոյե գյուղերի մոտ, Պերեկոպ-Արմյանսկի ուղղությամբ ճանապարհային կամուրջը և Ստավկի գյուղի մոտ գտնվող կամուրջը։
Սալդոն հայտարարել է, որ կամուրջները վնասվել են։
«Հակառակորդը փորձում է իր հարձակումները կենտրոնացնել տարածաշրջանի տրանսպորտային ենթակառուցվածքների վրա։ Շարժման և վերականգնման ժամանակացույցի վերաբերյալ լրացուցիչ տեղեկատվություն կտրամադրվի»,- եզրափակել է նա։
Նշենք, որ ուկրաինացի զինվորականները մայիսի երկրորդ կեսից ակտիվացրել են Ղրիմ տանող մայրուղիների վրա հարձակումները, ինչը, ի թիվս այլ բաների, հանգեցրել է վառելիքի պակասի բռնակցված թերակղզում: Վերջին օրերին Ուկրաինայի զինված ուժերը երկու անգամ հարձակվել են, մասնավորապես, Չոնգար կամրջի վրա, որը Ղրիմը կապում է Խերսոնի մարզի հետ: Կամրջի վրա երթևեկությունը փակվել էր:
Թարգմանությունը՝ Էմմա Չոբանյանի
