26.07.2026 | 20:00
Ի՞նչ արժե անվճար կայանատեղին. վճարովի օգնություն «ստայանշիկ»-ներից. ապօրինի արգելքների ՇԵՐՏԵՐԸ. ՏԵՍԱՆՅՈւԹ
ՌԴ հարձակման հետևանքով Կոնոտոպը մնացել է առանց էլեկտրաէներգիայի և ջրի, Պավլոգրադում վիրավորվել է 12 մարդ
Քաղաքականություն
11.06.2026 | 18:29
Ռուսաստանը հունիսի լույս 11-ի գիշերը Ուկրաինայի վրա արձակել է երկու «Իսկանդեր-Մ» բալիստիկ հրթիռ և 221 անօդաչու թռչող սարք։ Խոցվել է դրանցից 195-ը, հաղորդել են Ուկրաինայի ռազմաօդային ուժերը, գրում է Current time-ը։
Սումիի մարզում Ռուսական հարձակման հետևանքով Կոնոտոպը մնացել է առանց էլեկտրաէներգիայի և ջրի։
«Սա պայմանավորված է այսօր առավոտյան թշնամու հարվածով։ Ջուրը մատակարարվում է գրաֆիկով, այնպես որ՝ պաշարներ հավաքեք»,- գրել է քաղաքապետ Արտյոմ Սեմենիխինը։
Ավելին, նա հայտնել է, որ վնասվել են գազամատակարարման ցանցը և քաղաքացիական ենթակառուցվածքները։ Զոհվել է մաքրուհի, մեկ այլ մարդ այրվածքներ է ստացել։
Սումիի մարզային ռազմական վարչակազմի ղեկավար Օլեգ Գրիգորովի խոսքով՝ Զնոբ-Նովգորոդ համայնքում վնասվել է մասնավոր տուն, մեկ կին զոհվել է։ Զոհվածի երկու փոքրիկ թոռները նույնպես տանն են եղել, նրանց տեղափոխել են հիվանդանոց՝ հետազոտության։
Դնեպրոպետրովսկի շրջանային ռազմական վարչակազմի ղեկավար Ալեքսանդր Գանժան էլ հայտնել է, որ Պավլոգրադում վնասվել են բազմահարկ շենք և փրկարարական ծառայության շենք, որի հետևանքով վիրավորվել է 12 մարդ։
Սինելնիկի համայնքում ավերվել են երկու մասնավոր տուն և խանութ, վնասվել են մի քանի տներ, ֆերմա, օժանդակ շինություններ և մեքենաներ։ Մեկ մարդ զոհվել է, երեքը՝ վիրավորվել։
Մեկ մարդ վիրավորվել է Կրիվորոժսկի շրջանում։
Ռուսական զորքերը նաև հարձակվել են Չեռնիգովի մարզի Պոգորելցի բնակավայրի կենտրոնի վրա՝ հրդեհելով քաղաքապետարանի շենքը: Նիկոլաևի մարզի Բաշտանսկի շրջանում անօդաչու թռչող սարքի հարվածը և ընկնող բեկորները վնասել են գյուղատնտեսական ձեռնարկության պահեստը և մեկ մեքենա: Ոչ ոք չի տուժել:
Թարգմանությունը՝ Էմմա Չոբանյանի
