Բաքվի դատարանը երկարաձգել է Ադրբեջանի ընդդիմության առաջնորդի ու հեղաշրջման համար մեղադրվող Ալիևի աշխատակազմի նախկին ղեկավարի կալանքը

Լուրեր

22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
22.11.2026 | 14:29
Նոյեմբերի 22-ին Գորիսի մի շարք հասցեներում ջուր չի լինի
22.11.2026 | 14:13
Հայաստանում օդի ջերմաստիճանը կնվազի 8-10 աստիճանով․ սպասվում են անձրև և ուժեղ քամի
22.11.2026 | 13:32
Ուժեղ քամին վնասել է տանիքներ և արևային վահանակներ․ ահազանգեր՝ երկու մարզից
22.11.2026 | 13:13
Հրապարակվել են նոյեմբերի 29-ի ՏԻՄ ընտրությունների ընտրողների վերջնական ցուցակները
22.11.2026 | 12:59
Հայաստանն ու Իրանը քննարկել են բարձր տեխնոլոգիաների ոլորտում համագործակցության հեռանկարները
22.11.2026 | 12:13
Փաշինյանը հանդիպել է Digitec 2026-ին մասնակցող ՏՏ ընկերությունների ղեկավարների հետ
22.11.2026 | 11:57
Թրամփը լուսանկար է հրապարակել Պուտինի հետ և կրկին նրան իր ընկերն անվանել
22.11.2026 | 11:45
Հայաստանն ու Լիբանանը պետք է շարունակեն ամրապնդել քաղաքական երկխոսությունը․ Փաշինյանի ուղերձը
22.11.2026 | 11:18
Նոյեմբերի 22-ին Մալաթիա-Սեբաստիա վարչական շրջանի մի շարք հասցեներում ջուր չի լինի
22.11.2026 | 10:58
Վարդենյաց լեռնանցքում ձյուն է տեղում, հանրապետության մի շարք շրջաններում՝ անձրև
22.11.2026 | 10:42
Նոյեմբերի 22-ին Մեղրի քաղաքի և Արարատ գյուղի մի շարք հասցեներում ջուր չի լինի
22.11.2026 | 10:12
Քարի լիճ տանող ճանապարհը փակ է, Լարսը՝ բաց բոլոր տեսակի տրանսպորտային միջոցների համար
22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
Բոլորը

Բաքվի Սաբայիլի շրջանային դատարանը քննել է Ադրբեջանի ընդդիմադիր «Ժողովրդական ճակատ» կուսակցության նախագահ Ալի Քերիմլիի և կուսակցության նախագահության անդամ Մամեդ Իբրահիմի նկատմամբ ընտրված խափանման միջոցի երկարաձգման դեմ ներկայացված բողոքը։ Ադրբեջանական լրատվամիջոցների հաղորդմամբ՝ դատարանը չի բավարարել բողոքը։

Որոշման համաձայն՝ Ալի Քերիմլիի և Մամեդ Իբրահիմի կալանքի ժամկետը երկարաձգվել է ևս 5 ամսով։ Ավելի վաղ՝ փետրվարի 9-ին, Ալի Քերիմլիի կալանքի ժամկետը երկարաձգվել էր  4 ամսով։

Նշենք, որ Ալի Քերիմլին և Մամեդ Իբրահիմը ձերբակալվել են նոյեմբերի 29-ին։ Նրանց մեղադրանք էր առաջադրվել դեկտեմբերի 1-ին Քրեական օրենսգրքի 278.1 հոդվածով (իշխանությունը բռնի զավթելու և պետության սահմանադրական կառուցվածքը բռնի կերպով փոխելուն ուղղված գործողություններ): Նույն օրը Սաբայիլի շրջանային դատարանը երկու քաղաքական գործիչներին էլ կալանավորել էր։

Կառավարամետ լրատվամիջոցները հայտնել էին, որ նրանք ձերբակալվել են Ադրբեջանի նախագահ Իլհամ Ալիևի  աշխատակազմի նախկին ղեկավար Ռամիզ Մեհդիևի գործի շրջանակում:

Բացի այդ, քննարկվել է քննչական մարմնի միջնորդությունը Ռամիզ Մեհդիևի նախնական կալանքը երկարաձգելու վերաբերյալ: Սաբայիլի շրջանային դատարանը Ռամիզ Մեհդիևի տնային կալանքը երկարաձգել է 5 ամսով։

Միաժամանակ, դատարանը 5 ամսով երկարաձգել է Ադրբեջանի Գիտությունների ազգային ակադեմիայի քարտուղարության նախկին ղեկավար, նախագահի աշխատակազմի նախկին աշխատակից Էլդար Ամիրովի նախնական կալանքը։

Ավելի վաղ հաղորդվել էր, որ Պետանվտանգության ծառայության կողմից Ադրբեջանի անվտանգության, ազգային շահերի դեմ օտարերկրյա հատուկ ծառայությունների կողմից սադրիչ և ապակառուցողական գործողությունները կանխելու համար ձեռնարկված համապարփակ միջոցառումների արդյունքում առաջացել են հիմնավոր կասկածներ, որ Ռամիզ Մեհդիևը,  Աբբաս Աբբասովը, Ալի Քերիմլին  և ուրիշներ կատարել են իշխանության բռնի զավթման և պետության սահմանադրական կարգի բռնի փոփոխությանն ուղղված գործողություններ։

Թարգմանությունը՝ Էմմա Չոբանյանի