23.10.2026 | 17:24
Տիգրան Հակոբյանն ընտրվել է «Հանրօգուտ մեդիամիջավայր» հիմնադրամի հոգաբարձուների խորհրդի նախագահ
ՖԻԴԵ-ն կասեցրել է Ռուսաստանի շախմատի ֆեդերացիայի անդամակցությունը
11.06.2026 | 12:27
Շախմատի միջազգային ֆեդերացիան (ՖԻԴԵ) կասեցրել է Ռուսաստանի շախմատի ֆեդերացիայի (ՌՇՖ) անդամակցությունը՝ առնվազն մինչև հաջորդ Գլխավոր ասամբլեան։ Այդ մասին նշված է կազմակերպության պաշտոնական կայքում հրապարակված մամուլի հաղորդագրությունում։
Մայիսի 9-ին ՖԻԴԵ-ն ռուսական կողմին ուղարկել էր հարցում՝ պահանջելով տեղեկացնել, թե ինչ միջոցներ են ձեռնարկվել 2026 թվականի մարտի 11-ի Սպորտային արբիտրաժային դատարանի (CAS) որոշումը կատարելու համար։ CAS-ի որոշմամբ՝ ՌՇՖ-ն 90 օրվա ընթացքում պարտավոր է դադարեցնել ցանկացած գործունեություն Դոնեցկի, Լուգանսկի, Զապորոժիեի, Խերսոնի մարզերի և Ղրիմի տարածքներում։
Ռուս շախմատիստները 2022 թվականից զրկված էին միջազգային մրցաշարերին մասնակցելու իրավունքից՝ ռուս-ուկրաինական պատերազմի պատճառով։ 2025 թվականի հունվարին ՖԻԴԵ-ն կրկին թույլատրել էր թիմային մրցումներին մասնակցել այն շախմատիստներին, որոնց տարիքը չի գերազանցում 18 տարին։
