26.07.2026 | 20:00
Ի՞նչ արժե անվճար կայանատեղին. վճարովի օգնություն «ստայանշիկ»-ներից. ապօրինի արգելքների ՇԵՐՏԵՐԸ. ՏԵՍԱՆՅՈւԹ
Իկեր Կասիլյասը դատի է տվել «Պորտուին» և պահանջում է 3,7 միլիոն եվրո
11.06.2026 | 11:22
Մադրիդի «Ռեալի» և Իսպանիայի հավաքականի նախկին դարպասապահ Իկեր Կասիլյասը դատական հայց է ներկայացրել՝ պահանջելով փոխհատուցում պորտուգալական «Պորտու» ակումբից աշխատունակության մասնակի կորստի համար, հայտնում է AS-ը։
Կասիլյասը «Պորտուի» հանդես է եկել կազմում 2015-2020 թվականներին։ 2019 թվականի մայիսի 1-ին նա ակումբի մարզաբազայում սրտի կաթված էր ստացել, իսկ 2020 թվականի օգոստոսի 4-ին հայտարարել էր պրոֆեսիոնալ կարիերան ավարտելու մասին։ Հետագայում անվանի դարպասապահը ստիպված է եղել կրկին դիմել բժիշկների՝ սրտային խնդիրների և բարձր հոգնածության պատճառով։
Կասիլյասը դիմել է Պորտուգալիայի դատարան և պահանջում է 3,7 միլիոն եվրո փոխհատուցում՝ առողջությանը հասցված վնասի և սպորտային կարիերան հարկադրված ավարտելու համար։
Իսպանացու խոսքով՝ «Պորտուի» բժիշկը սխալմամբ վստահեցրել է իրեն, որ սրտի հետ կապված խնդիրը լիովին լուծված է։ Բացի այդ, Կասիլյասը ենթադրում է, որ սրտի կաթվածը կարող էր առաջանալ պորտուգալական ակումբում մարզումների ընթացքում չափազանց մեծ ֆիզիկական ծանրաբեռնվածության հետևանքով։
