22.10.2026 | 23:31
Ուսանողական վիզայի պայմանների խախտումը կարող է զրկել ապագայում ԱՄՆ վիզա ստանալու իրավունքից
Չենք բացառում հնարավոր սադրանքի դրսևորումները. ՆԳՆ-ն Գյումրիում «Մայր Հայաստան»-ի դեպքով հաղորդում է ուղարկել ՔԿ
Հասարակություն
10.06.2026 | 21:26
Այսօր հայտնի դարձավ, որ գիշերն անհայտ անձը կամ անձինք Գյումրիի խորհրդանիշ համարվող «Մայր Հայաստան» հուշահամալիրից պոկել են հերոս-քաղաքների անվանումների ոսկեգույն տառերը։ Այս մասին հայտնել էին Գյումրիի քաղաքապետարանից:
«Կոմունալ ծառայության աշխատակիցները տառերն առավոտյան հայտնաբերել են աղբամանում։ Գրությունները պոկելու հետևանքով քարերի վրա մեծ անցքեր և վնասվածքներ են գոյացել։ Այժմ փորձում են տառերը հաջորդականությամբ դասավորել և ամրացնել իրենց տեղերում»,- ասում են քաղաքապետարանից:
Factor TV-ի հարցին ի պատասխան՝ ՆԳՆ-ից հայտնեցին, որ դեպքի վերաբերյալ հաղորդում է ուղարկվել նախաքննական մարմին։
«ՆԳՆ ոստիկանությունը ձեռնարկում է միջոցառումներ դեպքի հանգամանքները պարզելու և առերևույթ հանցագործությունը կատարած անձանց հայտնաբերելու ուղղությամբ։ Ցանկացած վարկած ստուգվում է, չենք բացառում նաև հնարավոր սադրանքի դրսևորումները։ Ձեռնարկվում են օպերատիվ-հետախուզական միջոցառումներ»,- ասաց ՆԳՆ մամուլի քարտուղար Նարեկ Սարգսյանը:
Արփի Հակոբյան
