28.09.2026 | 02:28
«Արդարացում չունեցող կոպիտ սխալ». Թաթա Սիմոնյանը ներողություն է խնդրել սեպտեմբերի 27-ին իր համերգի ցուցադրության համար
Երազում են ՔՊ-ից պատգամավոր վերցնել. Ալխաս Ղազարյան․ ՏԵՍԱՆՅՈՒԹ
Քաղաքականություն
10.06.2026 | 11:45
ԱԺ «Քաղաքացիական պայմանագիր» խմբակցության պատգամավոր Ալխաս Ղազարյանը չի բացառել Գյումրիում արտահերթ ընտրությունների անցկացումը՝ նշելով, որ իշխանության մոտ այդ հարցով «միտք ու գաղափար» կա, սակայն այս պահին չի ցանկանում մանրամասներ հայտնել։
Ղազարյանի խոսքով՝ Գյումրիում արտահերթ ընտրությունների անհրաժեշտությունը պայմանավորված է քաղաքապետարանի աշխատանքի ձախողմամբ։
«Տեսնում ենք, թե ինչպես է Գյումրիի քաղաքապետը ձախողել ողջ ընթացակարգը և հասկանում ենք, որ այնտեղ անհրաժեշտ են արտահերթ ընտրություններ»,- ասել է նա։
Անդրադառնալով ընտրությունների արդյունքների շուրջ ընդդիմության բարձրացրած կեղծիքների պնդումներին՝ պատգամավորը դրանք անվանել է տեխնիկական սխալների հետևանք։
«Մեր ձայներն էլ չեն հաշվարկվել։ Որոշ տեղամասերում ՔՊ-ի 100-150 ձայն չի հաշվարկվել։ Դա ընտրակեղծարարություն չէ, տեխնիկական սխալ է եղել», – նշել է Ղազարյանը։
Նա նաև հայտարարել է, որ վերահաշվարկների արդյունքում իշխող ուժի արդյունքները կարող են բարելավվել։
«Կարող է պարզվի, որ վերահաշվարկի արդյունքով ՔՊ-ն ավելի շատ տոկոսներ է ապահովում, ես դրանում նույնիսկ վստահ եմ», – ասել է պատգամավորը։
Անդրադառնալով Գագիկ Ծառուկյանի վերաբերյալ քրեական վարույթին՝ Ղազարյանը նշել է, որ այն կապված է հարկերից խուսափելու վերաբերյալ մեղադրանքների հետ։
«Այդ մարդը հարկերից խուսափելու վերաբերյալ ունի քրեական գործ։ Արդարադատությունը միշտ վրա է հասնում», – հայտարարել է նա։
Մանրամասները` տեսանյութում։
