18.10.2026 | 20:17
«Մեր նպատակը նոր խոստումներ տալը չէ, այլ ստանձնած պարտավորությունները կատարելը»․ Մաթևոսյան․ ՏԵՍԱՆՅՈւԹ
ՀՀ-ում հաստատված ոչ մի իշխանության դիրքորոշում ավելի ղարաբաղամետ չի եղել, քան մերը. Նիկոլ Փաշինյան. ՏԵՍԱՆՅՈՒԹ
Քաղաքականություն
27.11.2018 | 15:57
«Ինչո՞ւ պետք է Սերժ Սարգսյանի և Ռոբերտ Քոչարյանի ընտանիքները միլիոններ ունենան, իսկ բանակը կռվի 80-ականների զենքերով, ինչո՞ւ պետք է Գագիկ Խաչատրյանը միլիոնավոր դոլարներ ունենա, իսկ բանակը կռվի 80-ականների զենքով»,- Ստեփանավան քաղաքում ելույթ ունենալով ընտրողների առջև հարց բարձրացրեց վարչապետի պաշտոնակատար Նիկոլ Փաշինյանը:
Նիկոլ Փաշինյանը ինչպես երեկ՝ քարոզարշավի առաջին օրը, այնպես էլ այսօր թիրախում պահում է Հանրապետական կուսակցությանը: Այսօր, սակայն, մեկ-երկու դրվագով անդրադարձավ նաև Դաշնակցության բյուրոյի անդամ Հրանտ Մարգարյանի հայտարարություններին՝ նախապես ընդգծելով, որ այդ կուսակցության մեծամասնությանը համարում է կարևոր գործընկերը:
«Ասում եմ՝ բանակը թալանել են, Հրանտ Մարգարյանն ասում է ՝ ես սրանով վիրավորել եմ ազատամարտի սերնդին, սա պատկերացնում եք չէ՞ ինչ մանիպուլացիա է»,- նշեց Փաշինյանը, ապա պարզաբանեց՝ բանակ թալանողներ ասելով նկատի ունի Սերժ Սարգսյանի կլանին, Ռոբերտ Քոչարյանի կլանին, ապա մատնանշեց Մանվել Գրիգորյանին պատկանող տարածքներից խուզարկությունների արդյունքում հայտնաբերված սնունդ ու մնացած պարագաները:
«Շատ հստակ ասում եմ՝ մեր առաջնահերթությունը մեր բանակը վերստին տարածաշրջանի ամենամարտունակ բանակը դարձնելն է: Չմտածեն՝ էդ փողեր տանողներին ասելու ենք ցտեսություն, առաջիկայում մեր բանակի զարգացման գործում մի քանի 100 մլրդ դոլար պետք է ներդրվի, բերեք վերադարձրեք, չվերադարձնեք կամավոր, կվերդարձնեք հարկադրաբար: Ժողովրդի հետ միասին կգանք բոլորիդ հետևից ու կոպեկ-կոպեկ կստանանք»,- շարունակեց Նիկոլ Փաշինյանը:
Մանրամասները՝ տեսանյութում:
