09.06.2026 | 18:23
ՀԷՑ-ի 100% բաժնետոմսերը հանրային գերակա շահ կճանաչվեն․ կառավարությունը որոշում կընդունի շաբաթների ընթացքում․ Ռոմանոս Պետրոսյան
Սենեգալի և Ուզբեկստանի հավաքականներն ԱՄՆ-ում խիստ ստուգումներ են անցել ԱԱ-2026-ից առաջ․ ՏԵՍԱՆՅՈՒԹ
09.06.2026 | 17:32
ԱՄՆ-ում, Կանադայում և Մեքսիկայում կայանալիք աշխարհի առաջնության մասնակիցներ Սենեգալի և Ուզբեկստանի ազգային հավաքականների ֆուտբոլիստներն ու մարզիչները ենթարկվել են ԱՄՆ անվտանգության ծառայությունների խիստ ստուգման, հաղորդում է Metro-ն։
Սենեգալի հավաքականը ստուգվել է երկիր ժամանելուց անմիջապես հետո։ Սոցիալական ցանցերում տեղադրվել է տեսանյութ, որտեղ երևում է, թե ինչպես են խաղացողները կանգնած թռիչքուղու մոտ՝ իրենց ուղեբեռի կողքին, իսկ թիմին թույլ չեն տվել մտնել տերմինալի շենք։ Անվտանգության աշխատակիցները մետաղական դետեկտորով խուզարկել են ֆուտբոլիստների իրերը և ուղեբեռը։
Ուզբեկստանի հավաքականը նմանատիպ ընթացակարգի է ենթարկվել Նյու Յորքում Նիդերլանդների դեմ ընկերական խաղից (1:2) առաջ: Խաղացողներին ավտոբուսից դուրս գալիս խուզարկել են դրսում մետաղորսիչներով և հետազոտող շներով:
ԱԱ-2026-ը կայանալու է հունիսի 11-ից հուլիսի 19-ին։
