07.09.2026 | 20:36
Միրզոյանը և Լատվիայի նախագահը մտքեր են փոխանակել տարածաշրջանային զարգացումների շուրջ
Նիկոլ Փաշինյանը բանակցում է «Քաղաքացիական պայմանագրի»՝ Եվրոպական ժողովրդական կուսակցությանն անդամակցության շուրջ․ Euractiv
Քաղաքականություն
09.06.2026 | 13:52
Հայաստանում ընտրություններում հաղթանակից հետո Նիկոլ Փաշինյանը բանակցությունների է պատրաստվում իր ղեկավարած «Քաղաքացիական պայմանագիր» կուսակցության՝ Եվրոպական ժողովրդական կուսակցությանն անդամակցելու շուրջ։ Այս մասին հայտնում է Euractiv-ը։
Նշվում է, որ պաշտոնական որոշում դեռևս չի կայացվել, ժամանակացույցը դեռևս հաստատված չէ, սակայն Փաշինյանը հայտարարել է իր հետաքրքրության մասին, իսկ համաեվրոպական կենտրոնամետ ընտանիքը կարող է հաստատել «Քաղաքացիական պայմանագրի» անդամակցությունն այս տարվա վերջին։
ԵԺԿ-ին միանալու մտադրություն ունեցող այլ կուսակցությունների թվում են Հունգարիայի իշխող «Տիսա»-ն, Դանիայի «Լիբերալ դաշինքը», Չեխիայի «STAN»-ը և Չեռնոգորիայի իշխող «Եվրոպան հիմա» շարժումը (PES), որի առաջնորդ Միլոժկո Սպաջիչը երկուշաբթի մասնակցել է Սարաևոյում կայացած ԵԺԿ ընդլայնման միջոցառմանը։
Հրապարակման մեջ նշվում է, որ Փաշինյանը համոզիչ հաղթանակ է տարել կիրակի անցկացված ընտրություններում, որոնք «ուղեկցվել են Ռուսաստանի միջամտության մեղադրանքներով»։
Հիշեցնենք, որ Հայաստանի հանրապետական կուսակցությունը՝ ՀՀԿ-ն, դեռևս 2012 թվականին անդամակցել է Եվրոպական ժողովրդական կուսակցությանը՝ ստանալով դիտորդ անդամ կուսակցության կարգավիճակ։
Թարգմանությունը՝ Էմմա Չոբանյանի
