16.08.2026 | 15:48
Համաշխարհային օվկիանոսի ջերմաստիճանը հասել է 2026 թվականի սկբից առավելագույն արժեքին․ Լևոն Ազիզյան
Թրամփը հայտարարել է, որ Իրանի հետ գործարքը կարող է կնքվել «երկու կամ երեք օրից»
Քաղաքականություն
09.06.2026 | 12:43
ԱՄՆ նախագահ Դոնալդ Թրամփը հայտարարել է, որ Իրանի հետ հակամարտությանը վերջ դնող գործարքը կարող է կնքվել «երկու կամ երեք օրվա ընթացքում», նաև հավելել, որ այս արդյունքը կկանխի Իրանի կողմից միջուկային զենքի մշակումն ու կհանգեցնի Հորմուզի նեղուցի անհապաղ վերաբացմանը, գրում է CNN-ը։
Լրագրողների հետ զրույցում Թրամփը նշել է, որ Իրանն ու Իսրայելը համաձայնել են դադարեցնել միմյանց վրա հարձակումները՝ ապրիլի սկզբին ուժի մեջ մտած անկայուն հրադադարից ի վեր երկու երկրների միջև լարվածության ամենավատ սրացումից հետո։
«Նրանք փոխանակվում էին [հարվածներով], և հիմա երկուսն էլ իմ միջոցով համաձայնել են դադարեցնել։ Մենք գտնվում ենք շատ, շատ լավ գործարքի վերջին փուլերում, որը ոչ մի կերպ թույլ չի տա [Իրանի համար] միջուկային զենք ստեղծել։ Նեղուցը կբացվի անմիջապես։ Այն կբացվի ստորագրումից անմիջապես հետո, ինչը կարող է լինել երկու կամ երեք օրից»,- ասել է նա։
Թրամփը նաև նշել է, թե չի կարծում՝ խոչընդոտներ կան, և որ բոլոր կողմերը «շատ մոտ են» համաձայնության հասնելուն: Միևնույն ժամանակ, Իրանի նավահանգիստների վրա ԱՄՆ-ի կողմից շրջափակումը շարունակվում է, հավելել է Թրամփը։
CNN-ը նշում է, որ Թրամփը նախկինում նույնպես նման լավատեսական պնդումներ արել է, որ համաձայնագիրը շուտով կստորագրվի փոխադարձ բանակցությունների ընթացքում, սակայն հակամարտությունը կրկին բռնկվել է։
Թարգմանությունը՝ Էմմա Չոբանյանի
