18.09.2026 | 11:33
Ավելին, քան պարզապես մրցանակներ․ ավարտվեց Junius ֆինանսական մրցաշարը
Հունաստանում լրագրողները 24-ժամյա գործադուլ են հայտարարել
Քաղաքականություն
27.11.2018 | 13:51
Հունական զանգվածային լրատվամիջոցների աշխատակիցները 24-ժամյա գործադուլ են հայտարարել, գրում է ՌԻԱ Նովոստին:
Արհմիությունների ղեկավարության որոշմամբ՝ մինչև չորեքշաբթի պետական և մասնավոր հատվածի բոլոր լրատվամիջոցների, հանրային հեռուստատեսության, տեղեկատվության հարցերի գլխավոր քարտուղարության, գերատեսչությունների մամուլի ծառայությունների աշխատակիցները չեն աշխատի: Գործադուլն անցկացվում է ի նշան խնայողության քաղաքականության դեմ բողոքի:
«Տեղեկատվական ոլորտի աշխատակիցներն ակտիվորեն մասնակցում են ամբողջ երկրով մեկ շարունակվող աշխատավորների, գործազուրկների և կենսաթոշակառուների պայքարին: Մենք դատապարտում ենք շարունակվող հակաժողովրդական միջոցառումները և վարկատուների հետ կնքված հուշագրով ստանձնած պարտավորությունները, որոնք ազդում են հույն ժողովրդի, այդ թվում՝ մամուլի աշխատակիցների վրա»,- ասված է արհմիությունների համատեղ հայտարարությունում:
ԶԼՄ-ների աշխատակիցները պահանջում են կոլեկտիվ աշխատանքային համաձայնագրեր՝ բոլորի համար կայուն և լիարժեք աշխատանքով ու հավասար իրավունքներով, արժանապատիվ աշխատավարձ և կենսաթոշակ, պետության կողմից երաշխավորած սոցիալական ապահովություն, անվճար առողջապահություն, կրճատվող հիմնական և լրացուցիչ կենսաթոշակների անհապաղ փոխհատուցում: Լրագրողները նաև մամուլի ազատություն են պահանջում:
