08.06.2026 | 11:51
ԿԸՀ-ն ամփոփում է խորհրդարանական ընտրությունների նախնական արդյունքները. ՈՒՂԻՂ
Ֆլորենտինո Պերեսը վերընտրվել է «Ռեալի» նախագահի պաշտոնում․ ՏԵՍԱՆՅՈՒԹ
08.06.2026 | 10:50
Ֆլորենտինո Պերեսը 4 տարի ժամկետով վերընտրվել է Մադրիդի «Ռեալի» նախագահի պաշտոնում, հաղորդում է ակումբի մամուլի ծառայությունը։
Ակումբի նախագահի արտահերթ ընտրություններում 79-ամյա իսպանացին ստացել է ձայների 65,95 տոկոսը։ Մյուս թեկնածու Էնրիկե Ռիկելմեն հավաքել է 34,05 տոկոս ձայն։
Քվեարկությանը մասնակցել են «Ռեալի»՝ 18 տարին լրացած գրանցված երկրպագուները (սոսյոս)։ 2006 թվականից հետո առաջին անգամ «Ռեալի» նախագահի պաշտոնին հավակնում էր առնվազն երկու թեկնածու։
Հիշեցնենք, որ Ֆլորենտինո Պերեսը 2009 թվականից է «Ռեալի» նախագահը, պաշտոնը զբաղեցրել է նաև 2000-2006 թթ․։ Անցած տարի իսպանացին վերընտրվել էր պաշտոնում։
Ավելի վաղ Ֆլորենտինո Պերեսը հայտարարել էր, որ իր վերընտրվելու դեպքում գլխավոր մարզիչի պաշտոնին է վերդառնալու պորտուգալացի Ժոզե Մոուրինյուն։
