22.10.2026 | 18:47
Կառավարությունը 148,5 մլն դրամ է հատկացրել 2 հայկական միջնադարյան ձեռագիր ձեռք բերելու համար
Մեր պրինցիպները պահելով` կհամագործակցենք բոլորի հետ բացի ՔՊ-ից ու Քոչարյանի ուժից. Մարության. ՏԵՍԱՆՅՈՒԹ
Քաղաքականություն
07.06.2026 | 18:17
«Նոր ուժ» կուսակցության վարչապետի թեկնածու Հայկ Մարությանը, խոսելով հետընտրական զարգացումների մասին, նշեց, որ եթե ընտրություններն անցնեն առանց խախտումների, ապա բոլոր քաղաքական ուժերը պարտավոր են հարգել ժողովրդի կայացրած որոշումը։
«Եթե ժողովուրդը կատարում է ընտրություն, մենք, բնականաբար, պետք է հարգենք ժողովրդի ընտրությունը։ Հաղթի իշխանությունը, հաղթի ընդդիմությունը՝ ժողովրդի որոշումը մեզ համար օրենք է»,- ասաց նա։
Մարությանը վերահաստատեց նաև, որ բացառում է համագործակցությունը «Քաղաքացիական պայմանագիր» կուսակցության հետ՝ Նիկոլ Փաշինյանի վարչապետության պայմաններում, ինչպես նաև «Հայաստան» դաշինքի հետ՝ Ռոբերտ Քոչարյանի վարչապետության դեպքում։
«Մնացած բոլոր ուժերի հետ կարող է լինել համագործակցություն միայն և միայն այն պայմանով, որ պահպանվեն մեր բոլոր ծրագրերը և սկզբունքները։ Սա շատ կարևոր է»,- հայտարարեց Մարությանը։
Նա քաղաքացիներին կոչ արեց ակտիվ մասնակցել քվեարկությանը։
Մանրամասները՝ տեսանյութում։
Արփի Հակոբյան
