07.06.2026 | 21:06
Քվեարկությունն ավարտված է․ քանի քաղաքացի է մասնակցել քվեարկությանը․ ՈՒՂԻՂ
Մոսկվան անընդհատ Երևանին ասել է, որ ԵՄ-ն վերածվել է ռազմաքաղաքական միության․ Օվերչուկ
Քաղաքականություն
07.06.2026 | 16:46
Մոսկվան անընդհատ ասում է Երևանին, որ ԵՄ-ն տնտեսական միությունից փաստացի վերածվել է ռազմաքաղաքական դաշինքի։ Այս մասին հայտարարել է Ռուսաստանի փոխվարչապետ Ալեքսեյ Օվերչուկը, գրում է Ինտերֆաքսը։
«Մենք այդ մասին Հայաստանին անընդհատ ասել ենք, մի տարի չէ, որ այդ մասին խոսել ենք։ Բնականաբար, այդ ամենն արվել է փակ դռների հետևում. մենք չէինք ուզում հրապարակել։ Մենք խոսել ենք այն մասին, որ այսօր Եվրամիությունը այլևս այն տնտեսական ինտեգրման միավորումը չէ, ինչ նախկինում էր։ Այսօր դա միություն է, որը գործնականում վերածվել է ռազմաքաղաքական դաշինքի, որը բացահայտորեն հայտարարում է մեր երկրի նկատմամբ իր թշնամանքի մասին»,- ասել է նա «Վեստի»-ի թղթակից Պավել Զարուբինի հետ հարցազրույցում։
Օվերչուկը հավելել է, թե Մոսկվան ուշադրություն է հրավիրել և շարունակում է հրավիրել «հայ գործընկերների, ընկերների և դաշնակիցների ուշադրությունը, որպեսզի նրանք մտածեն, թե ինչ են անում»։
Թարգմանությունը՝ Էմմա Չոբանյանի
