23.06.2026 | 00:27
Ամենամեծ էկրանով ստադիոնը, չսպասված երկրպագուներ. ԱԱ-2026-ի Բելգիա-Իրան խաղը` Factor TV-ի աչքերով
Թուրքիայի պաշտպանության նախարարը պատասխանել է Կարո Փայլանին
Քաղաքականություն
27.11.2018 | 14:02
Թուրքիայի խորհրդարանի (մեջլիս) քրդամետ «Ժողովուրդների դեմոկրատական կուսակցության» (ԺԴԿ-HDP) հայ պատգամավոր Կարո Փայլանը հարց է ուղղել Թուրքիայի պաշտպանության նախարար Հուլուսի Աքարին. փոխանցում է ermenihaber-ը:
Նախ հիշեցրել է, որ նախարարը թուրքական բանակն անվանել էր «Մուհամեդ Մարգարեի օջախ» և «Իսլամի վերջին բանակ», ապա հարցրել. «Մի՞թե Թուրքիայի բանակն իսլամական բանակ է։ Եթե այո, ապա ինչու՞ են քրիստոնյաները, հուդայականները և այլ կրոն դավանողները ծառայում այդ բանակում»:
Պաշտպանության նախարար Հուլուսի Աքարն ի պատասխան մեջբերել է սահմանադրության համապատասխան հոդվածը՝ նշելով, որ սահմանադրության համաձայն Թուրքիայի քաղաքացի հանդիսացող յուրաքանչյուր տղամարդ ենթակա է զինվորական ծառայության՝ առանց կրոնադավանական խտրականության։
Կարո Փայլանը բարձրաձայնել է նաև 2011թ. ապրիլի 24-ին թուրքական բանակում ծառայող հայ զինվոր Սևակ Բալըքչըի սպանության մասին՝ ընդգծելով, որ հանցանքը կատարվել է ատելության քարոզի հետևանքով: Հուլուսի Աքարը պատասխանել է, որ չկա որևէ տեղեկություն, վկայություն կամ զեկույց, որով կհաստատվի այդ հանցանքի վերաբերյալ պնդումը։
