03.07.2026 | 01:00
ԱԱ-2026. Իսպանիան վստահ հաղթեց և 1/8 եզրափակիչում է. ՏԵՍԱՆՅՈՒԹ
Ալիևը հայտարարել է, որ Կասպից ծովի մակարդակը մոտենում է վերջին 200 տարվա պատմական նվազագույնին
Քաղաքականություն
05.06.2026 | 23:18
Կասպից ծովի ջրի մակարդակը մոտենում է վերջին 200 տարվա ամենացածր կետին։ Այս մասին հայտարարել է Ադրբեջանի նախագահ Իլհամ Ալիևը Շրջակա միջավայրի համաշխարհային օրվան նվիրված իր ուղերձում, գրում են ադրբեջանական լրատվամիջոցները։
«Ջրի պակասը լուրջ մտահոգություն է ոչ միայն Ադրբեջանի, այլև ամբողջ տարածաշրջանի համար։ Այն փաստը, որ Կասպից ծովի ջրի մակարդակը մոտենում է վերջին 200 տարվա պատմական ամենացածր կետին, խնդրի լրջության հստակ ցուցիչ է»,- նշել է նա։
Նա նաև ընդգծել է, որ Երկրի առջև ծառացած բնապահպանական մարտահրավերները լուրջ ազդեցություն են ունենում ոչ միայն էկոհամակարգերի, այլև կայուն զարգացման, մարդկանց առողջության, կենսապայմանների և երկրների առաջընթացի վրա։ Ըստ նրա՝ Ադրբեջանում իրականացնում են շրջակա միջավայրի պաշտպանության լայնածավալ նախագծեր։
Նշենք, որ վերջին տարիներին գրանցվել է Կասպից ծովի մակարդակի համակարգված անկում, ինչը մտահոգություններ է առաջացնում ափամերձ պետությունների շրջանում նավագնացության, ջրամատակարարման և ափամերձ ենթակառուցվածքների համար ռիսկի պատճառով: Մասնագետներն անկումը բացատրում են կլիմայական գործոնների համադրությամբ, ինչպես նաև ջրօգտագործման փոփոխություններով և մարդածին գործունեությամբ:
Թարգմանությունը՝ Էմմա Չոբանյանի
