03.07.2026 | 01:00
ԱԱ-2026. Իսպանիան վստահ հաղթեց և 1/8 եզրափակիչում է. ՏԵՍԱՆՅՈՒԹ
Իրանը հայտարարել է Օմանի ծոցում ամերիկյան ռազմանավերի վրա «նախազգուշական» հրթիռներ և ԱԹՍ-ներ արձակելու մասին
Քաղաքականություն
05.06.2026 | 18:41
Իրանի ռազմածովային ուժերը հայտարարել են, որ Օմանի ծոցում գտնվող ԱՄՆ ռազմանավերի վրա նախազգուշական հրթիռներ և անօդաչու թռչող սարքեր են արձակել՝ ԱՄՆ ռազմածովային ուժերին մեղադրելով ծովային երթևեկությունը խոչընդոտելու և առևտրային նավեր ու նավթատար լցանավեր առգրավելու մեջ, հաղորդում են իրանական պետական լրատվամիջոցները, գրում է Reuters-ը։
Ավելի վաղ ԱՄՆ Հնդկա-խաղաղօվկիանոսյան հրամանատարությունը հայտարարել էր, որ ԱՄՆ ուժերը գիշերը Հնդկական օվկիանոսում կալանել են պատժամիջոցների տակ գտնվող M/T DAVINA նավը։
«Մենք կշարունակենք համաշխարհային ծովային վերահսկողությունը՝ խափանելու անօրինական ցանցերը և արգելափակելու Իրանին նյութական աջակցություն ցուցաբերող նավերը, որտեղ էլ դրանք գործեն»,- ասվում է X-ում հրապարակված գրառման մեջ։
Այս փոխանակումը տեղի է ունենում Իրանի շուրջ ծովային անվտանգության շուրջ լարվածության աճի ֆոնին, քանի որ Վաշինգտոնը պատժամիջոցներ է կիրառում իրանական նավթի փոխադրումների նկատմամբ, իսկ Թեհրանը բազմիցս սպառնացել է Հորմուզի նեղուցում և նրա շրջակայքում նավագնացությանը։
Թարգմանությունը՝ Էմմա Չոբանյանի
