04.09.2026 | 17:30
Երկու օր Ոսկերիչների փողոցը որոշակի ժամերի փակ կլինի
Իրանում երկրաշարժի հետևանքով տուժածների թիվը հասել է 780-ի
Քաղաքականություն
27.11.2018 | 11:20
Իրանի արևմտյան Քերմանշահ նահանգում երկրաշարժի հետևանքով տուժածների թիվը հասել է 780-ի: Այս մասին գրում է ՌԻԱ Նովոստին՝ վկայակոչելով Tasnim գործակալությունը:
Աղբյուրի տվյալներով՝ ստորգետնյա ցնցումների հետևանքով մինչև 300 բնակելի տուն է վնասվել: Որոշ շրջաններում սողանքներ են գրանցվել:
Երկրի նախագահ Հասան Ռոհանին նահանգային իշխանություններին կոչ է արել անհապաղ օգնություն ցուցաբերել երկրաշարժից տուժածներին: Առանց տանիքի մնացած բնակիչների համար ժամանակավոր կացարաններ կկառուցեն: Չնայած ցուրտ եղանակին՝ շատերը բաց երկնքի տակ են գիշերում՝ կրկնակի ցնցումների մտավախությունից ելնելով:
Իրաքյան Rudaw հեռուստաալիքն էլ հաղորդել է Իրաքյան Քուրդիստանի տարածքում մեկ զոհի և 43 տուժածի մասին:
Եվրոպական միջերկրածովյան սեյսմոլոգիական կենտրոնի տվյալներով՝ 6.3 մագնիտուդ ուժգնությամբ երկրաշարժը տեղի է ունեցել իրանա-իրաքյան սահմանին: Էպիկենտրոնը գտնվել է Բաղդադից 150 կմ և իրանական Սերե Պոլե Զոհաբից 37 կմ դեպի հյուսիս-արևելք:
