28.09.2026 | 02:28
«Արդարացում չունեցող կոպիտ սխալ». Թաթա Սիմոնյանը ներողություն է խնդրել սեպտեմբերի 27-ին իր համերգի ցուցադրության համար
Ռուսաստանը և Ուկրաինան ռազմագերիների են փոխանակել՝ 185-ը 185-ի դիմաց
Քաղաքականություն
05.06.2026 | 17:12
ՌԴ Պաշտպանության նախարարությունը հայտնել է, որ Ռուսաստանը և Ուկրաինան ռազմագերիների փոխանակում են իրականացրել, որի ընթացքում կողմերից յուրաքանչյուրը վերադարձրել է 185 մարդու։ Փոխանակման գործընթացում որպես միջնորդ հանդես է եկել ԱՄԷ-ն, գրում էMeduza-ն։
Ուկրաինայի նախագահ Վոլոդիմիր Զելենսկին հաստատել է փոխանակումը։ Նա պարզաբանել է, որ զինծառայողների հետ մեկտեղ Ուկրաինա է վերադարձվել նաև մեկ քաղաքացիական գերի։
Ռազմագերիների նախորդ փոխանակումը տեղի էր ունեցել մայիսի 15-ին՝ Հաղթանակի օրվա կապակցությամբ եռօրյա հրադադարի ավարտից մի քանի օր անց։ Այդ ժամանակ կողմերը միմյանց փոխանցել էին 205 մարդու։
Նախօրեին Վլադիմիր Զելենսկին հրապարակել էր Վլադիմիր Պուտինին ուղղված նամակ, որում առաջարկում էր անձնական հանդիպում՝ պատերազմը «ուղիղ երկխոսության միջոցով» ավարտելու համար։ Զելենսկին նաև հայտարարել էր, որ Ուկրաինան պատրաստ է ռազմագերիների փոխանակել «բոլորը բոլորի դիմաց» բանաձևով, և սա կարող է լավ նախաբան լինել պատերազմի ավարտի համար»։ Կրեմլը դեռևս չի արձագանքել այս նամակին։
Թարգմանությունը՝ Էմմա Չոբանյանի
