28.09.2026 | 02:28
«Արդարացում չունեցող կոպիտ սխալ». Թաթա Սիմոնյանը ներողություն է խնդրել սեպտեմբերի 27-ին իր համերգի ցուցադրության համար
Հայաստանը երկար ժամանակ է՝ չի մասնակցում ՀԱՊԿ աշխատանքներին․ Պեսկով
Քաղաքականություն
05.06.2026 | 14:28
Հայաստանը արդեն երկար ժամանակ չի մասնակցում Հավաքական անվտանգության պայմանագրի կազմակերպության (ՀԱՊԿ) աշխատանքներին։ Այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը։
Բացի այդ, նա հայտարարել է, թե Հայաստանի ղեկավարությունը, իբր, փորձում է արհեստականորեն հանրապետությունը ճամփաբաժանի վրա դնել՝ Եվրոպայի և Եվրասիական տնտեսական միության (ԵՏՄ) միջև ընտրություն կատարելու հարցում։
«Մենք գիտենք, որ Հայաստանի ներկայիս ղեկավարությունը, ես կասեի՝ հավանաբար, փորձում է երկիրն արհեստականորեն ճամփաբաժանի վրա դնել։ Պատրաստվում են երկրի համար ընտրություն կազմակերպել՝ գնալ Եվրոպայի՞, թե՞ ԵՏՄ-ի ուղղությամբ»,- նշել է Պեսկովը։
Ըստ նրա՝ ԵՏՄ-ն ավելի շահավետ է Հայաստանի համար, քան Եվրոպայի ուղղությամբ կենտրոնանալը։
«Մենք համոզված ենք, որ եթե կշեռքի նժարին դնենք եվրոպական կողմնորոշումն ու դեպի ԵՏՄ-ի կողմնորոշումը, ապա ԵՏՄ-ն գերակշռում է։ Այն ավելի շահավետ է հայերի համար։ Այն ավելի շահավետ է՝ նրանք ավելի շատ գումար են վաստակում ԵՏՄ-ից, ավելի լավ ապագա ունեն ԵՏՄ-ի հետ և ավելի արագ են զարգանում ԵՏՄ-ի հետ։ Եվրոպայի հետ նման բան չի լինի»,- հայտարարել է Պեսկովը։
Թարգմանությունը՝ Էմմա Չոբանյանի
