07.09.2026 | 21:58
Երրորդ դեպքը 5 ամսում․ ի՞նչ է կատարվում Բյուրեղավանի խմելու ջրի հետ. ՏԵՍԱՆՅՈՒԹ
Ազովի ծովում ԱԹՍ-ների հարձակման հետևանքով 5 ադրբեջանցի նավաստիներ են զոհվել, ևս 3 վիրավոր կա. ՏԵՍԱՆՅՈՒԹ
Քաղաքականություն
05.06.2026 | 15:54
Ազովի ծովում անօդաչու թռչող սարքերը հարձակվել են «Նատրա» և «Ցիրկոն» ջերմանավերի վրա, որի հետևանքով Ադրբեջանի հինգ քաղաքացիներ են զոհվել։ Ադրբեջանական լրատվամիջոցների հաղորդմամբ՝ նավերը Թուրքիայից ուղևորվում էին Դոնի Ռոստով՝ հացահատիկ բեռնելու, երբ չորսական անօդաչու թռչող սարքեր հարվածել են նավերին։
Հաղորդվում է, որ երկու նավերն էլ նավարկել են օտարերկրյա դրոշների ներքո և կապված չեն Ադրբեջանի հետ։ Ադրբեջանցի նավաստիները ծառայել են բացառապես կամավորական հիմունքներով։ Նրանց մասնակցությունը կապված չի եղել որևէ կառավարական ծրագրի կամ գործունեության հետ։
Պաշտոնական Բաքուն հաստատել է միջադեպի մասին տեղեկությունը։ Ադրբեջանի ԱԳՆ մամուլի ծառայության ղեկավար Այխան Հաջիզադեն հայտարարել է, որ անցած գիշեր անօդաչու թռչող սարքերով հարձակման են ենթարկվել երկու օտարերկրյա բեռնատար նավեր, որոնց անձնակազմի կազմում, ընդհանուր առմամբ, 25 Ադրբեջանի քաղաքացի է եղել։ Նա նշել է, որ նավերն Ադրբեջանին չեն պատկանում։
Նշվում է, որ ԱԳՆ-ն ներկայում համակարգում է այս հարցի շուրջ աշխատանքները Ադրբեջանի համապատասխան պետական մարմինների, երկրի դիվանագիտական ներկայացուցչությունների և շահագրգիռ երկրների իրավասու մարմինների հետ: Դեպքի վայր են ուղարկվել Ռուսաստանում Ադրբեջանի դեսպանատան մի քանի աշխատակիցներ:
Թարգմանությունը՝ Էմմա Չոբանյանի
