Փաստաբանն ահազանգում է՝ Արթուր Օսիպյանի կյանքի համար լուրջ վտանգ է առկա

«Արթուր Օսիպյանի կյանքի համար լուրջ վտանգ է առկա, կարող է ամեն օր ինչ-որ մի վատ բան պատահել»,- այս մասին տեսաուղերձով հայտնել է նրա փաստաբան Դավիթ Հովհաննիսյանը։

«Եթե ինչ-որ մի բան այլ չգնաց, կամ ցավալի իրադարձություններ տեղի ունեցավ, այս ամեն ինչի մեղավորն ու պատասխանատուն լինելու է Նիկոլ Փաշինյանը։ Պետք է Նիկոլ Փաշինյանը թույլ չտա, որ կրկնվի Արթուր Սարգսյանի՝ հայտնի «Հաց բերողի»-ի տխուր ճակատագիրն այս առումով»,- նշել է Հարությունյանը։

Փաստաբանը ընգծել է՝ Հայաստանի Հանրապետությունում օրենքի առաջ բոլորը պետք է հավասար լինեն, և իրավապահ համակարգը պարտավոր է գործել ոչ թե ընտրովի, այլ օրենքի պահանջով։

Հիշեցնենք, որ այսօր արդեն 17-րդ օրն է, ինչ Արթուր Օսիպյանը հացադուլի մեջ է։

Արաբկիրում «Քաղաքացիական պայմանագիր» կուսակցության քարոզարշավի ժամանակ միջադեպ էր տեղի ունեցել Նիկոլ Փաշինյանի և Արթուր Օսիպյանի միջև, որից հետո Օսիպյանը ձերբակալվեց, ապա երկու ամսով կալանավորվեց։ Արցախցի գործիչը հացադուլ է հայտարարել։ Փաշինյանը Օսիպյանին «փախած» էր անվանել։ Հացադուլը դադարեցնելու հորդորներին ի պատասխան՝ Օսիպյանը հայտարարել է, որ հացադուլը կդադարեցնի այն ժամանակ, երբ Փաշինյանը ներողություն խնդրի իրենից։

Նրան մեղադրանք է առաջադրվել ՀՀ քրեական օրենսգրքի 330-րդ հոդվածի 2-րդ մասի 3-րդ կետով (բռնություն կիրառելու հրապարակային կոչեր, բռնությունը հրապարակայնորեն արդարացնելը կամ քարոզելը), 297-րդ հոդվածի 1-ին մասով (խուլիգանություն), ինչպես նաև 211-րդ հոդվածի 1-ին մասով (քարոզչություն կատարելուն կամ քարոզչությունից հրաժարվելուն հարկադրելը կամ քարոզչությանը այլ կերպ խոչընդոտելը)։ Քրեական հետապնդում հարուցելուց և կալանավորելուց հետո հասարակական կազմակերպություններն ու իրավապաշտպանները իշխանություններից և իրավապահ մարմիններից պահանջում են դադարեցնել Օսիպյանի նկատմամբ իրականացվող գործողությունները։

Անի Թամրազյան